دليل بنات حوا لماركات المكياج والجمال
أهلا بيكم في دليل ماركات المكياج والجمال من بنات حوا , هنا هتلاقي كل اللي محتاجة تعرفيه عن ماركات المكياج ومنتجات العناية بالبشرة والشعر والاظافر بالأسعار وتقييم بنات حوا عشان تعرفي تختاري اللي يناسبك من المكياج ويبين جمالك وجمال بشرتك.
اتفرجي علي الماركات وشاركينا بتعليق لو إنتي جربتي أي من المنتجات ديه قبل كده عشان تفيدي باقي بنات حوا.
لب جلوس Vivid Matte Liquid من ميبيلين
لب جلوس ميبيلين Vivid Matte Liquid أو مات يعني لون غير لامع, نازل منه مجموعة ألوان رائعة و مميزة ودرجة ثباته عالية جدا بتوصل لاكتر من 12 ساعة.
السعر: 110 جنية.
قلم الحواجب BROW DEFINE + FILL DUO من ميبيلين
ارسمي حواجبك بطريقة سهلة في خطوتين بس باستعمال قلم اتنين في واحد للحواجب من ميبيلين, بالقلم حددي حواجبك وارسمي خطوط قصيرة خفيفة وبعدين بالجزء الاسفنجي استخدمي البودر عشان تملي الفراغات.
السعر: 55 جنية.
اوريفليم - Oriflame Very Me Just BB Bliss Balm
منتج BB من اوريفليم بيعمل تغطية متوسطة للبشرة بيرطب وبيدي لوك فرش ولمعة أو ضي للبشرة وطبعا زيه زي كل كريمات ال BB بيبقي فيه واقي أو عامل حماية من الشمس. التقيمات عليه متوسطة الي جيدة والناس بتقول انه فعلا بيدي الضي واللوك الصحي ده للبشرة وفيه تقيمات كانت بتقول إن البشرة بتمتصه بسرعة عشان كده لازم تمزجيه بسعره بعد ماتحطيه علي بشرتك عشان مينشفش.
سعره حوالي 35 جنية
غارنييه- Garnier Skin Naturals BB Cream Skin Perfector Eye Roll
كريم BB بتقدمه غارنييه, الفرق في الكريم ده عن باقي كريمات ال BB انه معمول مخصوص لمنطقة العين, بيغطي الهالات السودا والانتفاخات وعلامات الأرهاق اللي بتطلع من قله النوم لا وكمان بيعالج لانه فيه كريم مرطب وواقي من الشمس.. التقيمات عليه كويسة جدا إن مفعوله بيدوم طول اليوم والرول بتسهل جدا تطبيقه علي منطقة تحت العين بس عيبها إنها اوقات وإنتي قفلاة ممكن تسرب من المنتج..
سعره حوالي 40 جنية
فلورمار - Flormar CC Cream
فلورمار CC CREAM , متوفر بـ 4 ألوان لتصحيح لون البشرة كل لون ليه وظيفة مختلفة ( رقم 01 لونه بنفسجي: لتغطية اللون الشاحب بيدي لون مشرق ونضارة للوجه – رقم 02 لونه اخضر: لتغطية الحبوب أو الالتهابات الحمرا – رقم 03 لونه لونه بينك : لمداراة الهالات السودة والبقع أو الكدمات- رقم 04 لونه بيج : لتوحيد لو البشرة وبيدي تغطية تقيلة اعمق)
منتج ممتاز سهل إنك توزعيه بإيديك عادي مش لازم فرشة والبشرة بتشربه بسهوله بسعر 110 جنية .
Pond's Luminous Finish BB Plus Cream with SPF 15, Medium Shade, 1.5 Ounce
Pond’s Luminous Finish BB Plus Cream with SPF 15, Medium Shade, 1.5 Ounce.
سعره حوالي 199 جنية