تركيبة طبيعية لتفتيح الجسم
النهاردة هنشارك معاكم وصفة لتفتيح الجسم كله، باستخدام مكونات بسيطة متوفرة في مطبخك.
هتحتاجي:
- معلقة كبيرة كركم.
- معلقة كبيرة من خشب الصندل البودر.
- معلقة كبيرة من دقيق الحمص.
- معلقة كبيرة من دقيق الشوفان.
- ١/٢ معلقة كبيرة عسل.
- ١/٢ معلقة كبيرة من عصير الليمون.
- معلقتين كبار لبن.
طريقة التحضير والاستخدام:
١- اخلطي كل المكونات الجافة مع بعض، وبعدين ضيفي لها باقي المكونات وقلبيهم مع بعض كويس للحصول على عجينة سميكة وناعمة.
٢- للاستخدام، خدي كمية من الخليط وزعيها على الجسم ودلكيها لمدة ٤ - ٥ دقايق.
٣- سيبي الخليط على بشرتك لحد ما ينشف لمدة ما بين ٥ - ١٠ دقايق.
٤- بعدها اشطفي بشرتك بالماية الباردة، وبعدها جففي البشرة ورطبيها.
٥- كرري الوصفة يوميا اثناء الاستحمام للحصول على نتايج فعالة.
فوايد التركيبة:
- تفتيح البشرة بشكل فعال.
- تغذية البشرة بعمق، وتزويد البشرة بالعناصر الغذائية الضرورية لتعزيز حيويتها وتجديد الخلايا.
- تقليل البقع الغامقة، اثار حب الشباب، التصبغات، التجاعيد، وده بيساعد على الحصول على لون بشرة موحد.
- تنعيم ونضارة البشرة.
- ازالة خلايا الجلد الميتة والشوائب والزيوت الزيادة.
طرق تانية لتفتيح البشرة:
١- اخلطي معلقة صغيرة كركم مع الزبادي، ووزعي الخليط على الجسم كله وسيبيه ينشف لمدة ١٠ دقايق، وبعدين اغسليه بالماية الباردة.
٢- اخلطي معلقتين كبار لبن مع معلقة كبيرة عسل، ووزعي الخليط على جسمك كله، وسيبيه لمدة ٥ - ١٠ دقايق، وبعدها اغسليه بماية باردة.
٣- اخلطي معلقتين كبار من دقيق الحمص مع ماية الورد لعمل عجينة، وزعيها على الجسم وافركي بشرتك لمدة ٤ - ٥ دقايق، وبعدين اغسليه بالماية الباردة.
٤- اهرسي ثمرة بابايا او موز او خيار، ووزعيها على جسمك كله وسيبيها لمدة ١٠ دقايق، وبعدين اغسلي بشرتك.
