وصفتين فعالين لعلاج قشرة الشعر
فروة الراس الجافة والمتقشرة ممكن تأدي لتساقط الشعر وزيادة المشكلة، والنهاردة هنشارك معاكم وصفتين للشعر تقدري تحضريهم بسهولة لعلاج قشرة الراس.
- الوصفة ١: ماسك الاملا والزبادي
المكونات:
- معلقتين كبار زبادي.
- معلقة كبيرة من عصير الليمون.
- كام نقطة من زيت شجرة الشاي.
- ١/٢ معلقة كبيرة من الاملا البودر.
طريقة التحضير:
اخلطي كل المكونات مع بعض كويس، وممكن تظبطي القوام باضافة شوية ماية للحصول على عجينة ناعمة.
- الوصفة ٢: ماسك النيم وخل التفاح
المكونات:
- معلقتين كبار زبادي.
- معلقة كبيرة من خل التفاح.
- كام نقطة من زيت جوز الهند.
- ١/٢ معلقة كبيرة من اوراق النيم المطحونة.
طريقة التحضير:
امزجي كل المكونات مع بعض، للحصول على خليط ناعم.
- طريقة استخدام الماسكات:
١- وزعي الماسك من الجذور للاطراف، لحد ما يغطي الشعر كله.
٢- سيبيه على شعرك لمدة من ٢٥ - ٣٠ دقيقة.
٣- بعدها اشطفي الشعر بالماية، واغسليه باستخدام شامبو خفيف.
٤- للحصول على افضل النتايج، استخدمي الماسكات دي مرة واحدة في الاسبوع.
- فوايد مكونات الماسكات:
- الزبادي: غنية البروتينات، بتغذي الشعر، بتنضف فروة الراس، وبتعزز نمو الشعر.
- عصير الليمون: غني بفيتامين سي، بينضف فروة الراس، بيفتح مسام بصيلات الشعر، وبيحفز نمو الشعر.
- خل التفاح: مليان بالفيتامينات والمعادن، بيقشر فروة الراس، بيحتوي على خصائص مضادة للالتهابات، وبيحافظ على توازن درجة حموضة الشعر (pH).
- الاملا: بتمنع ظهور القشرة، بتقوي بصيلات الشعر، بتنشط الدورة الدموية، وتعتبر بلسم طبيعي للشعر.
- اوراق النيم: بتتميز بخصائص علاجية، وفعالة جدا في علاج تساقط الشعر، وتنضيف فروة الراس، ومنع تكون القشرة.
