طرق مشي يابانية لتحسين صحتك البدنية والعقلية

لو فاكرة ان المشي مرتبط بس بالسرعة والتمرين، النهاردة هنتعرف على٥ طرق مشي يابانية، هتديكي فوايد صحية بدنية وعقلية.

١- طريقة Vipassana walking:

الطريقة دي ممكن تكوني سمعتي عنها قبل كده انها طريقة للتأمل الصامت في وضعية الجلوس، ولكن في منها كمان نسخة مشي فعالة بنفس المقدار، الطريقة دي بتعتمد على ممارسة حركة مشي بطيئة وبتركيز على كل خطوة بوعي، ويكون الخطوات مع التنفس السليم بعمق، ركزي على طريقة ملامسة قدمك للارض، وطريقة انتقال وزنك، وطريقة تحرك تنفسك مع جسمك، دقايق قليلة بس من النوع من المشي، هتكون كافية انها تحسسك بالاستقرار، وهتغير طريقة تفكيرك بالكامل.

٢- طريقةForest bathing:

الطريقة دي مش بتتعلق بالمشي لمسافات طويلة او ممارسة الرياضة، ولكن بالمكان، انك تندمجي بشكل كامل في اجواء الطبيعة، وتبقي منتبهة بحواسك الخمسة، امشي ببطء، واقفي من وقت للتاني، ولاحظي صوت وريحة الاشجار والنباتات حواليكي، والضوء اللي بيمر بين اوراق الشجر، وحركات الطبيعة البسيطة، وممكن تقعدي بهدوء وتلمسي الشجرة، وثبت بالدراسات ان الطريقة دي بتخفض مستويات الكورتيزول (هرمونات التوتر)، وبتقلل القلق، وبتحسن المزاج ووظائف المناعة.

٣- طريقة Tai Chi walking:

الطريقة دي بتعتمد على المشي بخطوات بطيئة ومدروسة، مع التنفس العميق في نفس الوقت، والوعي الجسدي، والطريقة دي بتحسن التوازن والتناسق ووضعية الجسم، وبتهدي الجهاز العصبي، وهو مثالي جدا للاشخاص اللي عايزين يدمجوا اليقظة الذهنية والصحة البدنية في ممارسة واحدة.

٤- المشي الياباني:

الطريقة بتركز على استقامة الجسم، استقامة العمود الفقري، واسترخاء الكتفين، والخطوات الخفيفة والثابتة، حاولي المشي بأقل قدر ممكن من الحركة الزيادة، مع الحفاظ على هدوء جسمك وتوازنه، والطريقة دي من المشي بتحتاج لليقظة الذهنية والحضور الذهني في الحياة اليومية، الموضوع بيتجاوز انه مجرد تقنية هو حالة ذهنية.

٥- المشي حافية القدمين:

المشي حافية على الرملة او العشب، والمعروف “بالتأريض” هو عادة شائعة في ثقافات كتير، المشي حافية بيحفز النهايات العصبية، وبيحسن التوازن وقوة القدم، وممكن يساعد كمان في تنظيم الالتهابات وتحسين النوم من خلال التواصل المباشر مع الطبيعة، كل اللي هتعمليه بس انك تروحي مكان نضيف وآمن في الطبيعة وتمشي ببطء.