لغات الحب الخمسة وتأثيرها على العلاقات

النهاردة هنتعرف مع بعض على لغات الحب الخمسة، وازاي تستخدميها للتواصل بشكل افضل مع شريكك.

لغات الحب الخمسة:

١- كلماتالتأكيد:

مش دايما الافعال بيكون صوتها اعلى من الكلمات، لو كلمات التأكيد والتشجيع هي لغة حبك، فكلمات التشجيع غير المتوقعة والتعبير عن الحب بالكلمات الرومانسية هتكون مهمة بالنسبة لك، لانها هتعزز ثقتك في نفسك، وفي المقابل اي كلمة جارحة هتحسي انها مهينة بالنسبة لك.

٢- اعمالالخدمة:

اي حاجة تعمليها عشان تخففي العبء او المسؤولية عن الشخص اللي بيقدر قيمة “اعمال الخدمة” هتكون مهمة جدا بالنسبة له، واي كسل وعدم وفاء بالالتزامات او تحميله اعباء زيادة هتوحي للشخص اللي بيقدر اللغة دي ان مشاعره مش متاخدة بعين الاعتبار، لما الطرف التاني يقدم لك الخدمة بدافع الحب (مش الاجبار) هتحس انك متقدر ومحبوب.

٣- استقبالالهدايا:

ما تخلطيش بين لغة الحب دي والمادية، لان الشخص اللي بيستقبل الهدايا بيستمد سعادته من الحب والاهتمام والجهد المبذول في تقديم الهدية، فلو انتي بتتكلمي اللغة دي، فالهدية او اللفتة المثالية هتظهرلك انك متقدرة، وانك محل اهتمام، وانك اغلى من اي حاجة، وفي المقابل هيكون نسيان عيد الميلاد او تقديم هدية متسرعة عشوائية كارثي بالنسبة لك، لان الهدية عندك هي رمز الحب الصادق.

٤- جودةالوقت:

جودة الوقت يعني انك تخصصي وقت تقضيه مع شريككويكون في اهتمام كامل منك، بمعني توقفي التليفزيون والانشغال بالسوشيال ميديا والشغل وكل حاجة، وتدي اهتمامك كله لشريكك، ده هيخليه يحس بالحب والتميز، وفي المقابل التشتت والانشغال او عدم الاستماع ليه هيكون مؤلم بالنسبة له، وسواء بتقضي مع الشريك وقت متواصل او بتعملوا انشطة مع بعض، ده بيساعد على تعميق التواصل بينكم من خلال مشاركة الوقت.

٥- اللمس الجسدي:

اللمس الجسدي زي الحضن، مسكة الايد، اللمسات الرقيقة، كلها طرق للتعبير عن الاهتمام والرعاية والحب، اللمس الجسدي والتواصل المباشر مهم جدا في العلاقة، والاهمال يعتبر امر لا يغتفر بالنسبة للاشخاص اللي دي لغة حبهم، اللمسات المناسبة في الوقت المناسب بتعبر عن الدفء والامان والحب.

تعملي ايه لما تختلف لغة حبك عن لغة حب شريكك؟

نادرا لما الشريكين يشتركوا في نفس لغة الحب العاطفية، والمشكلة بتيجي لما طرف بيحاول يوصل رسالة معينة والطرف التاني مايفهمهاش، لان كل واحد بيتكلم لغة حب مختلفة عن التاني، وهنا يجي دور لغات الحب والهدف من تعلمها هو ان الطرفين يلاقوا حل، بمجرد ما تعرفي لغات الحب الخمسة الاساسية، هتقدري تفهمي لغة الحب الاساسية لشريكك وتتعلمي تتكلمي بيها، وساعتها هتكتشفي ان ده مفتاح علاقة حب طويلة الامد.