٧ وصفات شوربة للتخلص من دهون البطن
دهون البطن تعتبر من اصعب الدهون للتخلص منها، وتمارين البطن وتمارين الكارديو تعتبر اساسية لانقاص الوزن، لكن جنب التمارين ضروري تركزي على نظام غذائي منخفض الكربوهيدرات، والنهاردة هنشارك معاكم ٧ وصفات شوربة لتقليل دهون البطن، لانها غنية بالالياف وقليلة السعرات الحرارية.
1- شوربةالكرنب الحارة:
المكونات:
كوباية كرنب مبشور.
بصلة مفرومة.
جزرة متقطعة مكعبات.
حبة فلفل رومي متقطعة مكعبات.
فصين ثوم مفرومين.
حبة طماطم مفرومة.
معلقة صغيرة زيت زيتون.
١/٢ معلقة صغيرة شطة.
٤ كوبايات شوربة.
ملح وفلفل اسود حسب الرغبة.
الخطوات:
1- في حلة سخني زيت الزيتون، وضيفي الثوم والبصل، وقلبيهم لحد ما ريحتهم تظهر.
2- ضيفي الجزر, الفلفل الرومي, والكرنب، وقلبيهم مع بعض لمدة ٥ دقايق.
3- ضيفي الطماطم والشوربة والشطة والملح والفلفل الاسود.
4- سيبي الشوربة على نار هادية لمدة ٢٠ دقيقة، واشربيها سخنة.
2- شوربةالبروكلي والسبانخ للتخلص من السموم:
المكونات:
كوباية بروكلي.
كوباية سبانخ.
حبة كوسة مفرومة.
بصلة مفرومة.
فصين ثوم مفرومين.
معلقة صغيرة زيت زيتون.
٤ كوبايات شوربة.
ملح وفلفل اسود حسب الرغبة.
الخطوات:
1- سخني زيت الزيتون، وضيفي البصل والثوم وقلبي.
2- ضيفي البروكلي والسبانخ والكوسة، وقلبيهم مع بعض لمدة ٥ دقايق.
3- ضيفي الشوربة، والملح والفلفل الاسود.
4- سيبي الشوربة على نار هادية من ١٥ لـ ٢٠ دقيقة، وبعدين اضربيها بالبلندر لحد ما تبقى ناعمة.
3- شوربة الطماطم والريحان الحارة:
المكونات:
٤ حبات طماطم كبيرة مفرومة.
كوباية من اوراق الريحان الطازة.
بصلة مفرومة.
فصين ثوم مفرومين.
معلقة صغيرة زيت زيتون.
١/٢ معلقة صغيرة شطة.
٤ كوبابات شوربة.
ملح وفلفل اسود حسب الرغبة.
الخطوات:
1- سخني زيت الزيتون، وضيفي البصل والثوم وقلبي لحد ما البصل يدبل.
2- ضيفي الطماطم والشطة، وقلبي لمدة ٥ دقايق.
3- ضيفي الشوربة وسيبيها تغلي، وخففي النار وسيبيها تغلي على نار هادية لمدة ٢٠ دقيقة.
4- ضيفي اوراق الريحان واضربي الشوربة بالبلندر لحد ما تبقى ناعمة.
4- شوربةالجزر والزنجبيل:
المكونات:
٤ حبات جزر مفرومين.
بصلة مفرومة.
قطعة زنجبيل بحجم بوصة واحدة مبشورة.
معلقة صغيرة زيت زيتون.
٤ كوبايات شوربة.
ملح وفلفل اسود حسب الرغبة.
الخطوات:
1- سخني زيت الزيتون وشوحي البصل والزنجبيل لحد ما ريحتهم تظهر.
2- ضيفي الجزر وقلبي لمدة ٥ دقايق.
3- ضيفي الشوربة والملح والفلفل الاسود، وسيبي الشوربة على نار هادية لمدة ٢٠ دقيقة.
4- اضربي الشوربة بالبلندر لحد ما تبقى ناعمة.
5- شوربةالقرنبيطبالكركم:
المكونات:
راس قرنبيط مفرومة.
بصلة مفرومة.
قطعة زنجبيل مبشورة.
معلقة صغيرة كركم.
معلقة صغيرة زيت زيتون.
٤ كوبايات شوربة.
ملح وفلفل اسود حسب الرغبة.
الخطوات:
1- سخني زيت الزيتون وضيفي البصل والزنجبيل وقلبي.
2- ضيفي القرنبيط والكركم، وسيبيهم على النار لمدة ٥ دقايق.
3- ضيفي الشوربة وسيبيها على نار هادية لمدة ٢٠ دقيقة، وبعدين اضربيها بالبلندر.
6- شوربةالعدس والخضار:
المكونات:
كوباية عدس مغسولة.
جزرة متقطعة مكعبات.
عود كرفس متقطع مكعبات.
بصلة مفرومة.
فصين ثوم مفرومين.
حبة كوسة متقطعة مكعبات.
كوباية سبانخ.
معلقة صغيرة كمون مطحون.
معلقة صغيرة زيت زيتون.
٤ كوبايات شوربة.
ملح وفلفل اسود حسب الرغبة.
الخطوات:
1- سخني زيت الزيتون، وضيفي البصل والثوم وقلبي لحد ما البصل يدبل.
2- ضيفي الجزر والكرفس والكوسة، وقلبيهم لمدة ٥ دقايق.
3- ضيفي العدس والكمون والشوربة والملح والفلفل الاسود.
4- سيبي الخليط يغلي، وبعدين خففي النار وسيبيها على نار هادية لمدة ٣٠ دقيقة لحد ما العدس يستوي.
5- وضيفي السبانخ قبل التقديم مباشرة.
7- شوربة البسلة والنعناع:
المكونات:
كوباية بسلة خضرا طازة او مجمدة.
بصلة مفرومة.
فص ثوم مفروم.
معلقة صغيرة زيت زيتون.
٤ كوبايات شوربة.
١/٤ كوباية من اوراق النعناع الطازة.
ملح وفلفل اسود حسب الرغبة.
الخطوات:
1- سخني زيت الزيتون، وضيفي البصل والثوم وقلبي لحد ما البصل يدبل.
2- ضيفي البسلة وسيبيها لمدة دقايق.
3- وضيفي الشوربة، وسيبيها تغلي، وبعدين خففي النار وسيبيها على نار هادية لمدة ١٠ دقايق.
4- ضيفي اوراق النعناع، وبعدين اضربي الشوربة بالبلندر لحد ما يبقى قوامها ناعم.
5- وتبليها بالملح والفلفل الاسود قبل التقديم.
