الوان المكياج التريندي للصيف
صيحات مكياج الصيف بتتميز بلمسة نهائية ناعمة غير لامعة، والوان هادية، واطلالات طبيعية، المكياج بيعتمد على درجات الوان باردة وهادية زي الوردي الترابي، التوتي الفاتح، البيج البارد، الازرق البودر.
الوجه:
اطلالة الصيف يفضل تعتمدي فيها على اطلالة صحية مشرقة تشبه سُمرة الشمس، من غير مبالغة في اللمعان.
البرونزر: استخدمي البرونزر الناعم بألوان محايدة، بدل البرتقاني او الدهبي الغامق، للحصول على تان طبيعي.
البلاشر: ركزي على الدرجات الوردي، وحسب لون بشرتك اختاري بين الوردي الناعم، او الوردي الباهت، او التوتي البارد.
مكياج العيون:
لاطلالة عيون صيفية،اتجنبي الخطوط السودا الحادة او الالوان النيون الصارخة، ركزي على المزج بين الالوان الناعمة والاضاءة الخفيفة.
الوان محايدة: الابيض, الرمادي, والبيج الهادي.
الوان مميزة: اللافندر الهادي, الوردي الباهت, والازرق الفاتح.
الايلاينر والماسكارا: اللون الاسود ممكن يبقى حاد اوي على فصل الصيف، استبدليه باللون الرمادي الغامق, الازرق الرمادي, او البرقوقي الناعم.
مكياج الشفايف:
الوان مكياج الشفايف بتتميز بالالوان الرقيقة والباردة، واتجنبي درجات الاحمر الغامق او الدافي ودرجات المرجان.
اعتمدي على الوان الوردي البطيخي, الوردي الناعم, والتوتي البارد.
والالوان الهادية والغامقة زي التوتي او البرقوقي الفاتح.
مجموعات الالوان الموسمية:
الوان الصيف الفاتحة: الالوان الباهتة والباردة، زي البلاشر الوردي البارد والروج الوردي الناعم.
الوان الصيف الباردة: زي درجات الموف والتوتي والازرق البودر.
الوان الصيف الناعمة: الالوان الهادية والدافية، مع التركيز على درجات الوردي الترابي والاخضر الزيتوني والبرقوقي الناعم.
