ليه الدكاترة بينصحوا انك ترفعي شعرك اثناء الحمام!
في فيديو حصل على اكتر 7 مليون مشاهدة فاجأت فيه الدكتورة داريا سادوفسكايا ، اخصائية امراض الكلى ، المتابعين باكشف عن اخطاء شائعة في نضافة الحمام بيعملها كتير من الناس ، والنهاردة من خلال موضوعنا هنعرف السبب اللي خلي الدكاترة ينصحوا بضرورة رفع شعرك قبل استخدام الحمام.
في عادات ممكن تكوت غريبة شوية او غير تقليدية لازم تعمليها عند استخدام الحمام ، بما فيها سبب ضرورة رفع الشعر قبل استخدام الحمام ، لان ممكن زيارة بسيطة للحمام تنشر البكتيريا للشعر والوش.
تسريحة شعرك مهمة وانتي رايحة الحمام:
اول خطأ كبير تم تسليط الضوء عليه في اخطاء استخدام الحمام في فيديو دكتورة داريا ، هو خط مفاجيء ، انه لو كان شعرك طويل ، لازم تتجنبي استخدام الحمام وانتي مسيبة شعرك.
وضحت سبب ده هو انه لما بتدخلي الحمام وبعد ما تخلصي وتعملي السيفون ، بتنتشر كل الجراثيم والبكتيريا من برازك في كل انحاء الحمام ، وبتيجي على شعرك اول حاجة ، والظاهرة دي معروفة بأسم "عمود المرحاض" بتحصل نتيجة لجزيئات صغيرة بتبدأ تنتشر في الهوا عند سحب السيفون ، وده بيأدي لانتشار البكتيريا في كل انحاء الحمام.
واكدت ان الجزيئات دي ممكن تنتشر بسهولة لشعرك ، ولو اتسابت من غير علاج ممكن الجراثيم دي تتنقل من شعرك لوشك ، وده هيأدي لظهور بثور غير مرغوب فيها وتهيج للجلد ، وتعتبر نصيحة الدكتورة داريا برفع الشعر قبل استخدام الحمام غير متوقعة وبسيطة ولكنها فعالة لمنع التلوث المحتمل والحفاظ على نضافة افضل في الحمام ، وخصوصا للاشخاص اللي شعرهم طويل.
حاجتين كمان لازم تتوقفي عن عملهم في الحمام ، للحفاظ على صحتك:
- الدكتورة داريا نصحت كمان بالتوقف عن استخدام "الليفة" الطبيعية للاستحمام ، لانها تعتبر مكان مثالي لنمو البكتيريا والعفن في بيئة رطبة ودافية ، وده ممكن يسبب العدوى ، خصوصا لو تم غسل جرح مفتوح او حبس الجراثيم جوه المسام ، عشان كده من الافضل استخدام الليفة الصناعية ، وبعد استخدامها يتم تجفيفها في الهوا والشمس.
- اما النصيحة التانية فهي متعلقة بشفرات الحلاقة ، الدكتورة نصحت بعدم الاحتفاظ بشفرات الحلاقة في الحمام ، لان الدفء والرطوبة في المكان ممكن يسببوا تآكل الشفرات بشكل اسرع ، وشفرات الحلاقة لو باردة ممكن تسبب خطر الجروح, التهيج, العدوى, والشعر تحت الجلد.
بالاضافة كمان لتعرض مكنة الحلاقة للجراثيم اللي جاية من التواليت ، ولما تستخدميها كل الجراثيم دي هتتنقل لبشرتك ، وممكن تتسبب في جرح خطير للبشرة.
