افكار لديكور غرفة النوم الصغيرة بميزانية مش مكلفة
لو عندك مساحة غرفة النوم صغيرة وحابه تجدديها وتضيفي لها شوية ديكورات ، النهاردة هنشارك معاكم افكار لديكور غرفة النوم الصغيرة بتصاميم انيقة تحولي بيها المساحة الصغيرة لمكان مريح وفي نفس الوقت بميزانية مش مكلفة.
1- ضيفي مخدات مزخرفة:
بكل بساطة ممكن تضيفي على السرير مخدات مزخرفة تدي اناقة للمكان وفي نفس الوقت مش هتكلفك ، اختاري قطع خشب زي ترابيزات خشب جانبية لاضافة دفء للمكان ، ممكن تعلقي على الحيطة فوق السرير قطع من الالياف الطبيعية.
2- استخدمي خزائن صغيرة جنب السرير:
استخدمي خزائن صغيرة كترابيزة جنب السرير ، وحطي فوقها مرايا لعكس الضوء وهتديكي انطباع ان مساحة المكان اكبر ، اختاري ضهر السرير يكون بلون غامق عشان تدي فخامة للمكان من غير ما تدفعي كتير ، مع مخدات انيقة منقوشة وغطا سرير مريح ومزخرف.
3- اختاري لون حيطة عميق:
اختاري لون حيطة عميق وغني للحصول على خلفية درامية ، وعلقي تابلوهات فوق السرير للحصول على لمسة راقية ، اختاري ضهر السرير من القماش المزخرف لاضافة شعور من الفخامة ، وكملي التصميم باغطية سرير ومخدات متناسقة ، واختاري قطع بأسعار معقولة تدي رقي واناقة للمكان من غير ما تدفعي كتير.
4- اعملي وحدات تخزين تحت السرير:
عشان تستغلي كل المساحات في غرفة النوم الصغيرة ، ممكن تستخدمي سلال التخزين تحت السرير عشان تخلي المكان مترتب وتتجنبي الفوضى ، وممكن تختاري سرير من اللي بيتقفل ، عشان تحققي اقصى استفادة من المساحة ، والمكان يجمع ما بين القعدة الصبح والنوم فيه بالليل ، ضيفي خامات مريحة واضاءة ناعمة عشان تعملي مساحة دافية وجذابة من غير ما تدفعي فلوس كتير.
5- ثبتي رف معلق طويل فوق السرير:
ثبتي رف معق طويل فوق السرير ، ممكن حطي عليه زرع واي ديكورات انتي عايزاها او حاجات شخصية ليكي ، اختاري رف بألوان ناعمة ومحايدة ، وضيفي بطانية محبوكة سميكة لاضافة لمسة فخامة ، استخدمي مصادر اضاءة متعددة ، زي الاضواء الخيالية, مصابيح السرير الناعمة لخلق جو دافي ومريح.
6- استخدمي الالوان المحايدة:
استخدمي الوان محايدة على الحيطة وللفرش لخلق شعور بالهدوء والوسع في المساحة ، استثمري في قطع مش هتبطل زي ترابيزة كلاسيكية جنب السرير ، استخدمي اغطية سرير متعددة الطبقات ومزيح مخدات بستايلات مختلفة ، مع التركيز على الاقمشة عالية الجودة بألوان هادية للحصول على مساحة اكبر ومريحة.
7- استخدمي قطع اثاث بسيطة:
اختاري عناصر بسيطة وخطوط نضيفة زي ترابيزة بسيطة جنب السرير ، اختاري نظام الوان محايد وخفيف للحيطان والفرش عشان تدي انطباع بمساحة اكبر ، ضيفي مخدات مزخرفة ووحدة اضاءة كلاسيكية ، مع التركيز على الجودة بدل الكمية للحفاظ على الميزانية.
8- علقي مرايات:
في غرفة النوم الصغيرة علقي مرايات عشان تعكس الضوء وتدي انطباع بمساحة اكبر ، والمرايا تعتبر بديل مناسب للميزانية بدل الاعمال الفنية اللي اسعارها غالية ، استخدمي خيارات التخزين الرأسية زي الارفف المعلقة ، عشان تحطي عليه اي قطع ديكور من غير ما تشغلي مساحة الارضية.ممكن كمان تضيفي مكتب معلق لتوفير مساحة للعمل والتخزين ، اختاري الوان خفيفة ومحايدة مع ملايات بيضا وتفاصيل ناعمة لخلق شعور هادي ومريح مع الحفاظ على الميزانية.
9- استخدمي سرير بدورين:
من اكتر الحاجات الموفرة للمساحة في غرفة النوم الصغيرة هو السرير بدورين ، اختاري معاه ورق حائط جذاب عشان يبقى في نقطة محورية ورا السرير وهيديكي عمق للمكان ، استخدمي خامات مريحة وسجادة مشعرة لاضافة الدفء والراحة للمكان ، مع الحفاظ على البساطة والاناقة.
10- ضيفي ستاير لزيادة الارتفاع:
ضيفي ستاير من السقف للارض لجذب العين لاعلى ، وده هيخلق وهم الارتفاع والاتساع للمكان ، استخدمي الوان فاتحة للفرش والحيطان لاضافة شعور بالراحة والوسع ، استخدمي قطع اثاث متعددة الاغراض ، زي خزانة صغيرة تقدري تستخدميها كترابيزة جنب السرير لتوفير المساحة والفلوس.
11- استخدام فن الحائط:
خلي غرفة النوم الصغيرة مثيرة للاهتمام باستخدام فنون الحائط عن طريق اختيار قطعة كبيرة وجريئة كقطعة مركزية للغرفة لجذب الانتباه ، ووازني بين من الوان الحاجات اللي هتعلقيها وبين لون الحيطة لاضافة عمق للمكان ، استتخدمي مزيج من اغطية السرير والمخدات الانيقة بأسعار معقولة لاضافة الفخامة للمكان ، وتكملة التصميم وخلق مظهر متماسك ومترابط.
12- استمتعي بالدفء بالدمج بين الغامق والفاتح:
احصلي على الراحة من خلال لون حيطة غامق وستاير وفرش فاتح ، اختاري ضهر سرير بسيط مع سجادة بألوان محايدة ، استخدمي اضاءة ناعمة لخلق جو مريح ودافي.
13- زيادة المساحة الرأسية:
زودي من المساحة الرأسية عن طريق تركيب أرفف حائط من الارض للسقف عشان تبعدي الكتب والديكورات عن الارض وتنظميها ، ممكن تركبي مصابيح صغيرة على الارفف للحصول على اضاءة اضافية واجواء مريحة ، علقي لوحات جدارية عمودية لافة للنظر لجذب الانتباه لاعلى ، ده هيساعد على تعزيز ارتفاع الغرفة ، اختاري نظام الوان احادي اللون مع درجات مختلفة من نفس اللون لخلق مظهر سلس وواسع.
14- عمل حيطة مميزة:
اعملي حيطة مميزة ومختلفة في المكان بالطلاء والالواح ، واختاري قطع اثاث بسيطة وكلاسيكية تكملك الحيطة ، ضيفي بعض المخدات المميزة والاضاءة الناعمة لاضافة دفء للمكان.
15- اختاري اللون الرمادي والابيض الفرنسي:
اختاري مخطط الالوان الفرنسي الرمادي والابيض ، باستخدام درجة لون هادية للحيطة ، كملي اللون الرمادي بمفروشات وديكورات باللون الابيض الناصع لاضافة وسع للمكان ، ضيفي اضاءة مثبتة على الحيطة واكسسوارات انيقة وبسيطة تكمل لوحة الالوان المحايدة للمكان.
16- استخدمي اطار سرير بلاتفورم:
اختاري اطار سرير بلاتفورم لمظهر عصري وتقليل التكاليف في نفس الوقت ، واستخدمي المساحة اللي تحت السرير للتخزين ، حافظي على نظام الالوان المحايدة مع درجات من اللون الرمادي والابيض لعمل غرفة بسيطة ومريحة ، ضيفي بعض قطع فنية بسيطة على الحيطة وسجادة منقوشة عشان تكملي التصميم الانيق بسعر مش مكلف.
17- استخدمي الالوان الكريمية:
للحصول على غرفة نوم هادية ومريحة استخدمي لوحة الوان كريمية ، باستخدام درجات مختلفة للفرش والحيطان والديكور لخلق مظهر ناعم ومتماسك ، ضيفي فانوس ورقي كبير لاضاءة مميزة وانيقة واقتصادية في نفس الوقت ، اختاري اثاث بسيط وعملي ، وضيفي لمسة من الاناقة بمخدات فخمة وغطا سرير مزخرف.
18- ضيفي البهجة للغرفة باستخدام اللون الابيض:
لخلق مظهر مريح وانيق لغرفة النوم الصغيرة ومن غير تكلفة ركزي على الحلول الصديقة للميزانية زي لوحة الالوان البيضا المحايدة ، الابيض بيضيف لمسة من الاناقة ، واللمسات الوردي الناعمة بتضيف الدفء للمكان.اضافة الاقمشة المريحة زي غطا بالفرو الصناعي بيعلي المظهر ، وبيخلي الغرفة تبان فاخرة وجذابة ، وممكن تزودي المساحة باستخدام ارفف مدمجة غير مكلفة لعرض قطع الديكور عليها والحفاظ على تنظيم المساحة بميزانية محدودة.
عناصر ديكور منزلية اقتصادية لغرفة النوم الصغيرة:
1- ورق حائط قابل للتقشير واللصق:
بيضيف عمق للحيطة من غير ما يبقى دايم تقدري تشيليه وتحطيه زي ما انتي عايزة.
2- الرفوف المعلقة:
هيوفر مساحة للتخزين والعرض من غير ما تشغل مساحة الارضية.
3- حامل جنب السرير:
هيخلق مكان لتوفير المساحة للكتب والنضارات والحاجات الصغيرة.
4- مصابيح مثبتة على الحيطة:
هيوفرلك المساحة على الترابيزات اللي جنب السرير مع اضافة اجواء مريحة.
5- سلال التخزين:
ممتازة للتنظيم واخفاء الفوضى بشكل انيق.
6- المخدات المزخرفة:
بتضيف اللون والملمس للسرير او الكرسي.
7- خطافات فوق الباب:
بتستخدم مساحة الباب لتعليق الملابس او الاكسسوارات او قطع الديكور.
8- وحدة تخزين قابلة للطي:
ممكن تستخدميه ككرسي, مخزن, مسند للقدمين.
9- قطع اثاث متعددة الوظائف:
زي الفوتون او الكنبة النهارية اللي بتتقلب سرير وتقدري تستخدميها للقعدة والنوم.
10- اعملي حاجات فنية بايدك:
صممي عملك الفني الخاص باستخدام مواد زي الطلاء والقماش للحصول على لمسة ديكور شخصية.
