تجديد البشرة باستخدام القهوة ، والحصول على نتيجة فعالة خلال 30 دقيقة!
القهوة غنية بالعناصر اللي ممكن تغير بشرتك بشكل فوري ، هي من المكونات الغنية بمضادات الاكسدة وحمض الكافيين ، القهوة بتساعد كمان على تقشير البشرة وتجديدها وتفتيحها وتغذيتها وابطاء عملية الشيخوخة ، والنهاردة هنشارك معاكم طريقة استخدام القهوة لتجديد البشرة.
الخطوة 1: منظف القهوة
هتحتاجي:
- 1 معلقة كبيرة قهوة مطحونة.
- 1 ½ معلقة كبيرة لبن.
الطريقة:
1- اخلطي القهوة مع اللبن كويس ، وكده هيكون المنظف جاهز للاستخدام.
2- وزعي الخليط على بشرتك ودلكيه بالراحة لمدة دقيقتين وبعدها اغسليه بالماية العادية.
الخطوة 2: ماسك القهوة لتفتيح البشرة:
هتحتاجي:
- 2 معلقة كبيرة قهوة مطحونة.
- 2 معلقة كبيرة زبادي.
- ½ معلقة صغيرة كركم.
الطريقة:
1- في بولة اخلطي القهوة مع الزبادي والكركم ، قلبيهم مع بعض لحد ما تحصلي على عجينة ناعمة.
2- وزعي الخليط على بشرتك وسيبيه لمدة 10 دقايق وبعدها اغسليه بالماية العادية.
الكركم بيحارب البكتيريا وده بيساعد على منع حب الشباب وبيقلل من ندبات حب الشباب ، الزبادي بتزيل الزيوت الزيادة من البشرة وبيرطب البشرة ، والقهوة بتفتح المسام وبتقلل الالتهابات ، وكمان ليها قدرة تقشير كبيرة ، والافضل بعد الماسك ترطبي بشرتك بمرطب مناسب للحفاظ عليها ناعمة ومرنة ومحمية.
