مشروبات طبيعية لتعطير الجسم

على الرغم من ان جينات كل شخص بتلعب الدور الاكبر في ريحة الجسم ، الا انه النظام الغذائي ليه تأثير كبير على ريحة جسمنا ، اي حاجة بناكلها او بنشربها بتنعكس بشكل مباشر على ريحة الجسم ، والنهادرة من خلال موضوعنا هنشارك معاكم مشروبات طبيعية لتعطير الجسم من جوه والحصول على ريحة جسم حلوة بشكل طبيعي.

1- ماية الورد:

ماية الورد مش بتستخدم بس في روتين العناية بالبشرة ، ولكن هي واحدة من المكونات اللي بتساعد على تعطير الجسم بشكل طبيعي ، من خلال اضافة نقطتين من ماية الورد لكوباية الماية ، هيكون ليها تأثير رائع في تعطير جسمك.

2- القرفة:

دخلي القرفة كمشروب يومي ليكي للحصول على جسم ريحتة حلوة بشكل طبيعي.

3- النعناع:

اضافة النعناع على الاكل او شربه كمشروب بشكل يومي هيدي الجسم ريحة حلوة بشكل طبيعي ، والنعناع يعتبر من اكتر المشروبات اللي بتساعد على تعطير الجسم.

4- الزنجبيل:

كوباية من الزنجبيل كل يوم الصبح هتدي جسمك ريحة حلوة بشكل طبيعي.

5- عصاير الحمضيات:

الجسم بيمتص الروايح الطيبعية من الحمضيات زي البرتقان, الليمون, الاناناس ، وريحة الجسم هتلاقيها بتبدأ تتغير بعد شرب او اكل الحمضيات ، بالاضافة كمان ان الاحماض الموجودة في الفاكهة دي بتخلي الماية تطرد السموم من الجسم ، والسموم واحدة من الاسباب اللي بتسبب ريحة كريهة للجسم.

6- الشمر:

الشمر من النباتات العطرية النفاذة اللي عندها قدرة على تعطير ريحة الجسم بشكل طبيعي ، وده سبب استخدامها دايما في وصفات تعطير الفم.

كمان الشمر بيساعد على محاربة البكتيريا المسببة للريحة الكريهة في الفم ، كمان بيتخلص من البكتيريا السيئة في المعدة وبيساعد على الهضم ، وده بدوره بيقلل من مصادر الريحة الكريهة في الجسم.

7- الشاي الاخضر:

الشاي الاخضر بيحتوي على مادة البوليفينول ، وهي من مضادات الاكسدة اللي بتقلل الريحة المسببة لمركبات الكبريت في الجسم ، كمان المركبات دي بتساعد على محاربة البكتيريا المسببة لريحة الفم.

8- المرمرية:

عشبة المرمرية بتدي ريحة حلوة للجسم لانها بتحتوي على مركبات عطرية زي الابيجيسنين والوتيولين ، بالاضافة انها بتمنع البكتيريا من التكاثر على الجلد وبالتالي بتقضي على ريحة الجسم غير المستحبة.

9- المورينجا:

زمان كان بيستخدم زيت المورينجا لتعطير الجسم لانه بيتميز بريحة حلوة ، اما العشبة نفسها ليها كمان فوايد كتير والمشروب نفسه ريحتة حلوة ، وبالتالي هو من المشروبات اللي بتخلي ريحة العرق افضل.