ستايلات جاكيت تريندي مريحة وانيقة لموسم الخريف والشتا السنة دي
مع دخول موسم الخريف ، جيه الوقت للبس الجاكيت ، والنهاردة من خلال موضوعنا جمعنالكم 10 ستايلات جاكيت عصرية وانيقة مناسبة لموسم الخريف والشتا.
1- بليزر اوفرسايز:
الموضة الموسم ده هي ستايل البليزر الاوفرسايز بقصة مريحة ، هيضيف لمسة انيقة وعصرية على اللوك بتاعك ، البليزر الاوفر سايز مناسب للشغل, للخروجات الكاجوال ، وقصته المريحة بتخليه سهل تنسقيه طبقات مع الحفاظ على لوك انيق.
2- البالطو الفرو الصناعي:
البالطو الفرو الصناعي من القطع التريندي للموسم ده ، جربي بالطو فرو بألوان الباستيل مع بلوزة سودا برقبة عالية وبنطلون جلد وانكل بوت ، او البسية فوق سويتر مريح وبنطلون جينز ، ممكن للخروج بالليل تنسقيه فوق فستان اسود مع شوز بكعب عالي.
3- الترنش بالطو:
البالطو الترنش من القطع الاساسية للموسم ده ، وتريندي جدا لموسم الخريف السنة دي ، وفي حين ان ستايلات البالطو الترنش الكلاسيكية بتكون باللون الكاكي او بدرجات الالوان المحايدة ، الا اننا السنة دي هنشوف ستايلات مختلفة زي الدنيم والجلد.
4- جاكيت الجامعةVarsity:
السترات الجامعية من القطع المناسبة جدا للجامعة في موسم الخريف السنة دي ، والجاكيت ده مثالي جدا لتنسيقه مع البنطلون الكارجو او الجينز للوك كاجوال مريح.
5- الجاكيت الجلد:
الجاكيت الجلد قطعة اساسية الموسم ده ، ومش مقتصر بس على اللون الاسود ، لكن السنة دي في الوان جريئة زي الفينيل اللي بيضيف لمسة انيقة لامعة للوك بتاعك, والازرق, الزمردي الغامق, او حتى اللون المعدني.
6- جاكيت قطيفة:
الجلد المدبوغ او القطيفة ، من الانواع المثالية لموسم الخريف والشتا.
7- شيرلينج جاكيت او جلد الغنم:
مع دخول الايام الباردة ، الجاكيت الشيرلينج هيكون مناسب جدا ، مريحة جدا وهتدفيكي في الايام الباردة ، وتقدري تنسقيه مع فستان صوف او سويتر مريح.
8- جاكيت واقي من المطر:
السنة دي جاكيت المطر راجع بقوة ، لكن انسي الجاكيت الاصفر الكلاسيكي ، الموسم ده مسيطرة الستايلات الانيقة اللي بتجمع بين العملية واللمسة العصرية الانيقة ، جربي الجاكيت بالالوان المحايدة ، والخامات غير المتوقعة زي اللمسات النهائية اللامعة او المات ، والجاكيت الواقي من المطر مش بس عشان يحميكي من المطر ، ولكن هو قطعة مميزة هتضيف لمسة انيقة للوك بتاعك ، سواء رايحة الشغل او خارجة تتمشي الصبح.
9- جاكيت منفوخPuffer:
الجاكيت المنفوخ تريندي جدا الخريف ده ، بيجمع بين الدفء والاناقة ، والجاكيت المنفوخ مش مجرد قطعة اساسية ، ولكن هي عنصر اساسي في الموضة ، من اول الستايلات اللي على قد الجسم لحد الاوفرسايز ، وهتلاقيها بألوان جريئة ومعدنية.
10- جاكيت تيدي:
الجاكيت التيدي بملمسها الناعم هتديكي لوك مريح مع الحفاظ على لوك انيق ، سواء كانت بألوان محايدة زي البيج والبني او بألوان جريئة ، ممكن تنسقيه فوق السويتر الصوف والاطلالات الكاجوال ، لو بتدوري على الراحة من غير ما تضحي بالاناقة يبقى الجاكيت التيدي هو القطعة الاساسية اللي لازم تضيفيها لدولابك الموسم ده.
11- جاكيت مبطن:
الجاكيت المبطن ليه شعبية كبيرة الموسم ده ، وتعتبر اختيار مثالي لو مش عايزة جاكيت تقيل اوي ، لانه وزنه خفيف وبيدفي في نفس الوقت ، وده بيخليه مثالي تلبسيه في لوك طبقات لما الجو يبرد اكتر ، هتلاقيه بكل الالوان ، من اول الالوان المحايدة الترابية لحد الالوان الجريئة ، وده بيخليه سهل تنسيقه مع اي حاجة في دولابك تقريبا ولاي وقت.
12- الجاكيت الجينز:
الجاكيت الجينز من القطع اللي مش بتبطل ابدا ، من اول الستايل الاوفرسايز لحد الستايل الكروب ، ومثالي جدا تنسقيه فوق السويتر الصوف او الفساتين.
