سيروم طبيعي للحصول على بشرة مشدودة ونضرة في 10 ايام بس
النهاردة من خلال موضوعنا هنشارك معاكم سيروم طبيعي تقدري تعمليه بنفسك في البيت ، هيساعد على شد ونضارة بشرتك في ايام قليلة ، بالاضافة كمان للحفاظ على رطوبة البشرة ، وهيساعدك كمان في التخلص من علامات الشيخوخة المبكرة.
هتحتاجي:
- 2 معلقة كبيرة من بذور الكتان.
- 2 كوباية ماية.
- 2 معلقة صغيرة من زيت اللوز الحلو.
- 2 معلقة صغيرة من عصير الليمون.
طريقة التحضير:
1- ضيفي الماية وبذور الكتان في حلة على النار ، وسيبيه يغلي لمدة 10 دقايق ، لحد ما القوام يتحول لجل.
2- خدي 3 معالق كبيرة من الجل حطيهم في الخلاط وضيفي لهم زيت اللوز وعصير الليمون.
3- اضربي المكونات مع بعض لحد ما يمتزجوا مع بعض كويس.
4- كده السيروم جاهز للاستخدام.
5- خدي كام نقطة من السيروم وزعيه على بشرتك ودلكيه في حركات دائرية لمدة دقيقتين ، لحد ما البشرة تمتصه كويس ، وسيبيه على بشرتك واغسليه الصبح.
6- استخدميه كل يوم قبل النوم.
