10 تصاميم ضوافر موضتها مش بتبطل
كل يوم في عالم الجمال الموضة بتتغير ، وتصاميم الضوافر تعتبر طريقة مميزة للتعبير عن نفسك ، وفي حين ان في تصاميم ممكن موضتها تنتهي ، في تصاميم تانية موضتها بتفضل مستمرة ، والنهاردة هنتعرف مع بعض على 10 تصاميم ضوافر موضتها مش بتبطل.
1- الضوافر البسيطة:
التصاميم البسيطة هي من اتجاهات الضوافر اللي مش بتبطل لانها بتضيف لمسة من الاناقة من غير مبالغة ، هي مثالية لو عايزة تضيفي مظهر مميز لضوافرك مع الحفاظ على البساطة.
2- ضوافر بأطراف ملونة:
الضوافر الفرنش البيضا من التصاميم المميزة ، ولكن لو حسيتي بالملل وعايزة تغيري ، جربي تلعبي بالالوان ، احتفظي بالتصميم الفرنش ولكن اختاري لون مختلف للاطراف ، جربيها ونسقيها مع ملابسك اليومية.
3- لون نيود لامع:
لو عايزة مظهر بسيط لضوافرك ، اختيار مانيكير بلون بيج لامع وشفاف هيكون هو الاختيار المثالي ، يعتبر من اتجاهات تصاميم الضوافر اللي مش بتبطل ومش بتتأثر بمرور الزمن ودايما بيكون انيق.
4- اومبري رقيق:
لو مش بتحبي الخطوط الحادة في المانيكير ، جربي تصميم اكتر نعومة بستايل الامبري ، واللوك ده بيبدأ بطرف ابيض ميلكي وبيتدرج لقاعدة شفافة.
5- ضوافر بيضا:
اللون الابيض واحد من الالوان الكلاسيكية اللي مش بتبطل ابدا ، ودايما بيرجع لعالم تصاميم الضوافر ، بالاضافة انه سهل جدا تطبيقه ، وتقدري تعمليه لنفسك في البيت بكل سهولة.
6- ضوافر باللون الاحمر الغامق:
اللون الاحمر الغامق من الالوان اللي مش بتبطل ، ويعتبر الاختيار المثالي ليكي لو مش محتارة في اختيار لون المانيكير بتاعك ، او في مزاج للتغيير ، ويعتبر اختيار كلاسيكي مش بيفشل ابدا في اضافة لمسة انيقة لضوافرك.
7- ضوافر فرنسية مربعة قصيرة:
الضوافر المربعة القصيرة موضتها مش بتبطل ، وعلى عكس الضوافر المربعة الحادة من التسعينات ، الستايل الموضة حاليا هي الضوافر المربعة والحواف بتاعتها مستديرة شوية وناعمة.
8- ضوافر ميلكي:
لو عايزة لوك بسيط وانيق ، هيكون انسب اختيار هو المانيكير الابيض الميلكي ، يعتبر من الالوان اللي موضتها مش بتبطل ، بالاضافة انه سهل تعمليه بنفسك في البيت.
9- ضوافر بني غامق:
كمان اللون البني الغامق من الالوان اللي مش بتبطل ومناسبة لاجواء الخريف والشتا ، وكمان مناسب لاي يوم في السنة ولاي موسم.
10- الضوافر الجليتر:
مافيش افضل من الضوافر الجليتر للحصول على لوك جذاب وملفت ، خصوصا للمناسبات والاحتفالات ، للحصول على لوك جليتر انيق ابدأي بطبقة اساسية بلون كريمي او ميلكي وحطي فوقيه طبقة علوية جليتر فضي او دهبي او مرسومة.
