تلميع الوجه لاضافة نضارة وتوهج فوري للبشرة

هنشاركك النهاردة في المقال بتاعنا خطوتين لتلميع البشرة ، والعلاج ده مش هياخد منك اكتر من 15 دقيقة وهتلاحظي تغيير فوري على بشرتك ، تابعي معانا السطور الجايه واتعرفي على الخطوات.

قبل ما تبدأي في العلاج ، اغسلي بشرتك بغسول مناسب وجففيها.

الخطوة 1: المقشر

هتحتاجي:

- 1 معلقة كبيرة من دقيق السيمولينا.

- 4 – 5 حبات من اللوز.

- لبن رايب.

الطريقة:

1- اخلطي دقيق السيمولينا مع اللوز واضربيهم مع بعض في الخلاط.

2- انقعي الخليط ده في شوية لبن رايب لمدة 5 دقايق ، وكده المقشر هيبقى جاهز.

3- الافضل انك تعرضي بشرتك للبخار قبل وضع المقشر عليها.

4- دلوقتي وزعي المقشر على بشرتك ، ودلكيه لمدة 3 – 4 دقايق.

5- وبعدها اشطفيه بالماية العادية.

الخطوة 2: الماسك

هتحتاجي:

- 2 معلقة كبيرة عدس احمر.

- لبن رايب.

الطريقة:

1- انقعي العدس في الماية طول الليل.

2- بعدها اضربيه في الخلاط ، وضيفي له كمية كافية من اللبن الرايب للحصول على عجينة ناعمة ، سهلة الفرد على البشرة.

3- وزعي الماسك على بشرتك بالتساوي.

4- سيبيه لمدة 15 دقيقة وبعدها اشطفي بشرتك بالماية الباردة.

5- كده يبقى خلصنا علاج تلميع البشرة ، انهي الخطوات بكريم مرطب ، واستمتعي ببشرة ناعمة ونضرة بشكل فوري.