روتين لتفتيح البشرة بمكونات طبيعية في البيت
النهاردة من خلال موضوعنا هنشارك معاكم روتين بسيط وسهل لتفتيح البشرة بمكونات طبيعية من البيت ، والحصول على بشرة خالية من العيوب ونضرة.
- الخطوة 1: التنضيف
1- اغمسي قطعة قطن في اللبن ، وادهني بشرتك كلها.
2- سيبيه لحد ما ينشف وبعدها حطي طبقة لبن تانية.
3- سيبيه لمدة دقيقتين كمان وعرضي وشك للبخار لمدة 5 دقايق.
- الخطوة 2: التقشير
هحتاجي:
- 2 معلقة كبيرة من دقيق.
- لبن.
1- في طبق حطي الدقيق وضيفي له اللبن بالتدريج لحد ما توصلي لعجينة ناعمة ، اتأكدي ان العجينة مش سميكة اوي ، المفروض تبقى سايلة شوية.
2- وزعي الخليط على بشرتك وافركيه في حركات دائرية تصاعدية.
3- استمري في التدليك لمدة 4 – 5 دقايق وبعدها اشطفيه بالماية العادية.
- الخطوة 3: التدليك
هتحتاجي:
- 1 معلقة كبيرة من جل الصبار.
- 3 – 4 نقط من زيت اللوز الحلو.
1- اخلطي جل الصبار مع زيت اللوز.
2- دلكي بشرتك بالخليط ده لمدة 10 دقايق ، وبعدها اشطفيه بالماية.
- الخطوة 4 والاخيرة: الماسك
هتحتاجي:
- 1 معلقة كبيرة من طين البشرة.
- ½ معلقة صغيرة عصير بنجر.
- رشة كركم صغيرة.
- لبن
1- في طبق اخلطي الطين مع عصير البنجر والكركم وقلبيهم.
2- ضيفي كمية من اللبن بالتدريج واخلطي كويس لحد ما تحصلي على عجينة ناعمة.
3- وزعي الخليط على بشرتك ، سيبيه ينشف لمدة 15 دقيقة تقريبا وبعدها اشطفيه بالماية.
