ريزوتو الطماطم الكريمي مع الثوم المقرمش

ريهام محمود

في

ريزوتو الطماطم الكريمي مع الثوم المقرمش من الوصفات اللذيذة والمختلفة وسهلة التحضير ، تابعي معانا السطور الجاية واتعرفي على الوصفة بالخطوات.

المكونات:

الريزوتو:

- 400 جرام طماطم متقطعة.

- 240 مل (1 كوباية) شوربة.

- 2 معلقة كبيرة صلصة طماطم.

- 1 معلقة كبيرة زيت زيتون.

- 1 بصلة صغيرة متقطعة ناعم.

- 1 فص ثوم مفروم.

- 150 جرام ( ¾ كوباية) ارز.

- 80 مل ( 1/3 كوباية) شوربة.

- 3 معالق كبيرة كريمة طبخ.

- 4 معالق كبيرة جبنة بارميزان مبشورة.

- 1 معلقة كبيرة عصير ليمون.

الثوم المقرمش:

- 1 معلقة كبيرة زبدة.

- ¼ معلقة صغيرة ملح.

- 2 فص ثوم مفرومين.

- 4 معالق كبيرة فتات خبز البانكو.

- 1 معلقة صغيرة بقدونس مفروم.

- بشر ½ قشر ليمونة.

- 3 معالق كبيرة جبنة بارميزان مبشورة.

طريقة التحضير:

1- اول حاجة ، هنحضر مرقة الطماطم ، في طبق كبير اخلطي الطماطم المتقطعة مع كوباية الشوربة وصلصة الطماطم ، وقلبيهم مع بعض ، سخني الخليط في حلة على النار لحد ما يغلي ، وبعدها اطفي عليه النار.

2- في طاسة كبيرة ، سخني الزيت وضيفي له البصل وقلبيه لمدة 5 دقايق لحد ما يبقى شفاف ، ضيفي الثوم وقلبيه لمدة دقيقة كمان.

3- ضيفي الارز وقلبيه لحد ما الزيت يغطيه كله ، وبعدها ضيفي 1/3 كوباية الشوربة وقلبيهم مع بعض.

4- استني لحد ما الارز يشرب الشوربة كلها تقريبا مع التقليب بانتظام ، بعدها ضيفي مرقة الطماطم اللي حضرناها بالتدريج مغرفة غرفة ، مع التأكد ان الارز بيشرب كل مغرفة من مرقة الطماطم بالكامل قبل ما تضيفي اللي بعدها ، مع التقليب بانتظام.

5- بعد حوالي 15 – 20 دقيقة هتكوني حطيتي كل المرقة والارز شربها كلها ، دوقي الارز المفروض يكون طري ، لو لقتيه لسه ناشف ممكن تضيفي له شوية ماية وقللي الحرارة لدرجة حرارة منخفضة جدا ، لحد ما يطرى.

6- دلوقتي هنحضر الثوم المقرمش ، في طاسة صغيرة سخني الزبدة لحد ما تبدأ تظهر فيها رغوة شوية.

7- ضيفي الملح والثوم وقلبيهم مع بعض لمدة 30 ثانية تقريبا.

8- ضيفي فتات الخبز وقلبي لحد ما تتأكدي ان الزبدة مغطية فتات الخبز كله ، ولحد ما يتحول للون البني مع التقليب المستمر ، وتنتبهي عشان مايتحرقش منك ، لما يتحمر اطفي النار وضيفي البقدونس, قشر الليمون, والبارميزان.