اخلطي البذور دي بالزيت للحصول على شعر طويل وكثيف
وصفة ماسك الشعر دي بتجمع بين الخصائص المغذية لزيت اللوز وزيت الخردل وبذورالحلبة لتعزيز صحة الشعر ولمعانه ، والنهاردة هنتعرف مع بعض على فوايد المكونات وطريقة عمل الوصفة.
فوايد المكونات:
1- زيت اللوز:
- بيوفر ترطيب عميق للشعر.
- غني بالاحماض الدهنية الاساسية وفيتامين E والبروتينات.
- بيقوي خصلات الشعر ، بيقلل من تكسره ، بيمنع تساقطه.
- بينشط الدورة الدموية في فروة الراس.
2- زيت الخردل:
- يعتبر بلسم طبيعي للشعر ، وبيساعد على جعل الشعر اكتر نعومة.
- بيحتوي على مضادات الاكسدة والاحماض الدهنية الاساسية والفيتامينات.
- تحسين الدورة الدموية في فروة الراس ، وتوصيل العناصر الغذائية لبصيلات الشعر.
- بيحتوي على البيتا كاروتين اللي بيتحول لفيتامين أ اللي بيمنع تساقط الشعر.
3- بذور الحلبة:
- مصدر غني بالبروتينات وحمض النيكوتين والليسيثين ، وده بيساعد على تقوية جذع الشعر.
- بيحتوي على هرمونات بتحفز نمو الشعر وبتعيد بناء البصيلات التالفة.
ماسك الشعر:
المكونات:
- 2 معلقة كبيرة من زيت اللوز.
- 1 معلقة كبيرة من زيت الخردل.
- 1 معلقة كبيرة من بذور الحلبة المطحونة.
طريقة التحضير والاستخدام:
1- في طبق اخلطي زيت اللوز مع زيت الخردل مع الحلبة المطحونة ، وقلبيهم مع بعض كويس لحد ما يبقى عندك عجينة ناعمة ومتماسكة.
2- وزعي العجينة على شعرك ، من اول الجذور لحد الاطراف.
3- دلكي فروة راسك بلطف لمدة 5 – 10 دقايق لتعزيز الدورة الدموية.
4- بعدها سيبي الماسك على شعرك لمدة 30 دقيقة كمان على الاقل.
5- بعدين اشطفي شعرك بشامبو خفيف وماية فاترة.
من خلال الانتظام على الوصفة دي ، هتساعد على تحسين قوة الشعر ، تقليل التكسر ، تعزيز نمو الشعر بتطويله وتكثيفه ، والشعر هيبقى اكتر صحة ولمعان بشكل عام.
