ايه الاكلات اللي ممكن تديكي طاقة؟ طريقة تغيير نظامك الغذائي عشان تحسي بالنشاط

تكوين عادات غذائية صحية هي امر اساسي لاي خطة اكل ناجحة ، بهدف زيادة مستويات الطاقة الاجمالية على مدار اليوم ، ولكن ايه هو الاكل بالظبط اللي تختاريه للحصول على ده ، النهاردة هنشارك معاكم بعض الاطعمة اللي ممكن تدمجيها في نظامك الغذائي للحصول على طاقة اكتر.

1- الكربوهيدرات المعقدة زي دقيق الشوفان:

بشكل عام ، بيتم هضم الكربوهيدرات واستقلابها للحصول على الطاقة بشكل اسرع من البروتين والدهون ، الكربوهيدرات المعقدة زي دقيق الشوفان بتتكون من جزيئات سكر اكتر من الكربوهيدرات البسيطة وبتاخد وقت اطول في الهضم ، وبالتالي هتوفرلك طاقة اكتر طول اليوم.

عشان كده الشوفان يعتبر من الاطعمة المثالية للحصول على الطاقة لانه بيطلق الطاقة ببطء ، وبالتالي وجبة الفطار اللي بتحتوي على طبق شوفان ممكن تخليكي نشيطة طول اليوم.

2- البيض:

الاطعمة الشائعة للفطار اللي بتحتوي على فيتامين ب زي البيض ، فايدتها بتيجي من انها بتساعد على تحويل الطعام لطاقة ، كمان فول الصويا هو كمان مصدر لفيتامينات ب المعقدة.

3- الكينوا:

ممكن كمان تجربي تدخلي الكينوا في نظامك الغذائي لزيادة الطاقة ، الكينوا هي عبارة عن حبة كاملة غنية بالالياف وبتحتوي على الفيتامينات, المعادن, ومضادات الاكسدة.

4- الشوكولاتة الغامقة:

بالنسبة للاشخاص اللي بيحبوا الحلويات ، ممكن يستفادوا من اكل الشوكولاتة الغامقة لزيادة الطاقة ، لانها بتحتوي على الكافيين المنشط ، وكمان بتحتوي على محتوى معدني غني بما فيهم الحديد, المغنيسيوم, الزنك ، وكلها معادن مهمة لانظمة الجسم.

5- الموز:

الموز معروف انه وجبة خفيفة مثالية وسريعة الطاقة ، الموز بيحتوي على نسبة عالية من البوتاسيوم ، وده بيساعد على تنظيم توازن السوائل وتقلصات الهضلات ، بالاضافة انه مصدر للالياف وفيتامين ب.

6- الافوكادو:

الافوكادو بتحتوي على الدهون والالياف ، وده بيخلي العناصر الغذائية القابلة للذوبان في الدهون متاحة بشكل اكبر في الجسم وده هيساعد في الحفاظ على مستويات الطاقة طول اليوم ، ولان الافوكادو بتحتوي على الدهون الصحية الغنية بالسعرات الحرارية ده هيساعد في زيادة مستويات الطاقة.

7- الماية:

على الرغم ان الماية ماتعتبرش طعام من الناحية الفنية ، الا انه ممكن يساعد في تعزيز مستويات الطاقة ، الماية تعتبر ضرورية لنقل العناصر الغذائية للخلايا ، والماية بيتم فقدانها باستمرار طول اليوم من خلال البول والعرق والتنفس ، ونقص السوائل ده ممكن يسبب الضعف والتعب ، عشان كده لازم تتأكدي من شرب كافية من الماية كل يوم ده هيعمل فرق كبير معاكي.

افتكري دايما انك تاكلي نظام غذائي متوازن لزيادة الطاقة ، بيشمل الحبوب الكاملة, الفواكة, الخضروات الطازة, البروتين الخالي من الدهون وخصوصا الاسماك, والدهون الصحية زي زيت الزيتون.

اتاكدي من اكل مجموعة واسعة ومتنوعة من الاطعمة ، واتأكدي من استهلاك كمية الطعام اللي محتاجاها بس للحفاظ على وزن صحي.