شمع الحليب الياباني للتخلص من الشعر الزائد
لو عايزة تتخلصي من الشعر الزائد في الوجه او اي مكان في الجسم بطريقة سهلة وطبيعية ، في المقالة بتاعتنا ، هنشارك معاكم وصفة شمع الحليب الياباني ، لازالة الشعر الزائد ، وشمع الحليب بالاضافة انه بيساعد على ازالة الشعر كمان بيساعد على تفتيح لون البشرة ، والاهم انك تقدري تحضريه بسهولة في البيت.
هتحتاجي:
- 2 معلقة صغيرة جيلاتين.
- 2 معلقة كبيرة لبن.
- ½ معلقة صغيرة من صودا الخبز.
- 1 معلقة كبيرة عصير خيار.
طريقة التحضير والاستخدام:
1- عشان تعملي عصير الخيار ، ابشري الخيار وصفيه عشان تستخرجي منه العصير.
2- هاتي طبق صغير ضيفي الجيلاتين, اللبن, صودا الخبز, عصير الخيار ، واخلطيهم مع بعض.
3- حطي الخليط في الميكروويف لمدة 10 ثواني ، او دوبيه على حمام ماية سخنة.
4- ولتجنب تكون اي تكتلات قلبية باستمرار ، لحد ما تتاكدي ان الخليط كثيف وقوامه موحد وناعم ومافيش فيه اي تكتلات.
5- ولو حسيتي ان القوام كثيف اوي ، ضيفي كمية صغيرة كمان من اللبن ، ورجعيه الميكروويف لمدة 10 ثواني كمان ، او دوبيه شوية كمان على حمام ماية سخنة.
6- لما الخليط يبقى دافي وجلدك يستحمله ، وزعيه على المناطق اللي فيها شعر زيادة باستخدام فرشة.
7- سيبيه لحد ما ينشف على البشرة تماما ، وبعدها قشريه ، عكس اتجاه نمو الشعر ، من تحت لفوق.
8- وما تحاوليش تكشطيه من على بشرتك ، لكن اسحبي الشمع بالراحة الشعر كله هيطلع معاكي مرة واحدة.
- الشمع ده مش بس بيزيل الشعر الزيادة ، ولكن كمان بيجدد البشرة, بيساعد على مكافحة الشيخوخة, تبييض البشرة ، وتقدري تستخدميه كمان على اي مكان في الجسم عايزة تشيلي منه الشعر الزيادة ، تحت الابط, المنطقة الحساسة, الذراعين, الساقين.
لو شعرك كثيف تقدري تكرريه 3 مرات في الشهر.
- مع الاستخدام المستمر للشمع ده الشعر هيبدأ يقل بالتدريج ، وفي النهاية الشعر هيختفي من جسمك نهائيا ، وكمان هيخلي بشرتك نضرة وناعمة ، والطريقة دي تعتبر من افضل طرق ازالة الشعر على الاطلاق لان مالهاش اي اثار جانبية.
