روتين بسيط للعناية بالبشرة لمدة 7 ايام للحصول على بشرة خالية من العيوب

النهاردة هنشارك معاكم روتين بسيط جدا للعناية بالبشرة ، اللي هيساعدك في الحصول على بشرة خالية من العيوب ، ولون موحد ، وبشرة مشرقة بشكل طبيعي ، هنحضر مع بعض ماسك تقدري تستخدميه بشكل يومي ، والماسك مناسب لكل انواع البشرة وهيساعدك في الحصول على بشرة زجاجية بشكل طبيعي.

هتحتاجي:

- 1 كوباية ارز.

- 1 معلقة كبيرة من زيت جوز الهند.

- كام نقطة من زيت فيتامين E.

طريقة التحضير والاستخدام:

1- اول حاجة اغلي كوباية الارز في 3 كوبايات ماية ، ولما الارز يستوي تماما ، اهرسية وصفية ، في الاساس احنا محتاجين ماية النشا اللي هتنزل من الارز ، هيكون قوامها سميك شوية.

2- خدي المزيج اللي صفناه ضيفي عليه زيت جوز الهند وزيت فيتامينE.

3- خدي كمية من الخليط ودلكي بيها بشرتك لمدة 2 – 3 دقايق بحركات دائرية لفوق ، وسيبيه لمدة 5 دقايق على بشرتك وبعدها اشطفيه بالماية العادية.

4- تقدري تستخدمي الماسك ده يوميا ، وهتلاحظي النتايج على بشرتك في فترة قصيرة جدا.

5- احفظي باقي الكمية في التلاجة لحد ما تستخدميها بعد كده.