اهم اتجاهات الديكور للسنة دي
لو عايزة تجددي ديكور البيت او لسه هتعملي ديكور ولسه بتدوري على موضة الديكورات ، انتي في المكان الصح ، النهاردة من خلال موضوعنا هنشارك معاكم اهم اتجاهات الديكور للسنة دي.
من اتجاهات الديكور الموضة السنة دي ، الخامات المختلفة والالوان المحايدة الدافية ومخططات الارضيات ، تابعي معانا واتعرفي على 11 من اكبر اتجاهات الديكور المنزلي السنة دي.
1- اضافة خامة مختلفة:
واحد من اهم اتجاهات التصميم اللي هنشوفها السنة دي ، هي الخامات المختلفة ، واتجاه الديكور ده كان شائع من السنين اللي فاتت ومازال موجود السنة دي ، الخامة المختلفة هتوفر الدفء, الابعاد, الطبقات.
الخامات المختلفة بتضيف مساحة اكتر جاذبية للمكان بشكل عام ، ومن الخامات الموضة السنة دي هو خشب الراتان ، ومن الطرق البسيطة لاضافة خامة مختلفة لمساحتك الخاصة هي من خلال البطانيات, المخدات, الترابيزات الجانبية, اضاءة المصباح.
2- الالوان المحايدة الدافية:
من اساليب التصميم اللي هنشوفها كتير السنة دي ، هي الالوان الدافية والمحايدة الدافية ، ومن الالوان الشائعة هي الالوان الكريمية, البيج, البني, والالوان الترابية الغنية.
والالوان دي مش بتقتصر بس على الوان الطلاء ولكن كمان على الاثاث, الاكسسوارات, الاعمال الفنية, وحتى السجاد.
3- لون السنة: الازرق:
اللون الازرق السنة دي من الالوان الموضة جدا جنب الالوان المحايدة والدافية ، واللون الازرق هيفضل هو اللون المميز اللي لازم تضيفيه لمساحتك لو عايزة تضيفي لون جريء وجذاب.
4- عناصر الديكور اللي مش بتبطل:
لو عايزة ديكورات ماتبطلش وماتضطريش تغيريها عشان تجددي ، فكري في الطوب, الرخام, الخشب.
5- خزانات التنظيم:
مع كثرة ادوات واجهزة المطبخ ، ممكن تزيد الفوضى والزحمة ، وهنا يجي دور خزانات المطبخ اللي هترتبلك كل الفوضى وفي نفس الوقت هتضيف مظهر جذاب للمطبخ.
6- طلاء الغرفة بالكامل بنفس اللون:
وهنا بنتكلم عن عن طلاء الجدران, الديكور, الابواب, السقف ، وكل حاجة بنفس اللون ، الطريقة دي بتدي مظهر مرتفع ومتماسك للغرفة ، والاتجاه ده كان ليه شعبية كبيرة السنين اللي فاتت ، ولكن اكتر السنة دي.
7- الانماط المتعرجة:
من عناصر التصميم اللي هنشوفها كتير السنة دي كمان ، هي الانماط المتعرجة ، سواء للارضيات, البلاط ، ضيفي تجديد لبيتك من خلال اللمسة الكلاسيكية دي بعمل النمط المتعرج في اجزاء مختلفة من البيت.
8- الشبابيك:
الشبابيك الكبيرة من اتجاهات الديكور الشائعة السنة دي ، الاضافة الطبيعية مع الالوان المحايدة والدافية بتخلق جو اكتر راحة في البيت.
9- غرفة غسيل طينية:
من اتجاهات التصميم اللي هنشوفها السنة دي هي غرفة الغسيل الطينية العملية ، بتمنع اي اتربة تدخل من بره ولو دخلت بتحصرها في غرفة واحدة بدل ما تتسرب لباقي البيت.
والغرفة دي تعتبر مناسبة جدا لحاجات زي الاحذية, البالطو الشتوي, اي زي رسمي متوسخ ، وتقدري تضيفي خزانات, رفوف للاحذية, خطافات ، عشان الغرفة تبقى متنظمة وتستغلي كل المساحة افضل استغلال.
10- الغرف المغلقة:
هنا هنبعد عن المساحات المفتوحة الواسعة وهنركز على الغرف الاصغر والمساحات المقفولة ، من خلال قعدات قريبة من بعض للتجمعات العائلية ، والكنب والكراسي المواجهة لبعض.
11- الاقواس:
اخر تصميم هنشوفه النهاردة من اتجاهات الديكور السنة دي ، هو تصميم الاقواس، ممكن يكون موجود بقاله سنين ولكن السنة دي ليه شعبية كبيرة ، الاقواس بتضيف تحديد للمساحات المهمة ، وممكن يتصمم بأحجام واشكال مختلفة وده هيخليه مناسب لانماط تصاميم مختلفة.
