الحل النهائي لعلاج تساقط الشعر

ريهام محمود
ريهام محمود
في
شعر
182

النهاردة هنشارك معاكم الحل المثالي لتقليل تساقط الشعر ، من 3 – 4 استخدامات بس هتحسي بالفرق ، وهتلاحظي ان تساقط الشعر انخفض بنسبة 80 – 90% ، تابعي معانا السطور الجاية واتعرفي على وصفة لعلاج تساقط الشعر.

هتحتاجي:

- 2 معلقة كبيرة من جل الصبار.

- 1 معلقة كبيرة حلبة مطحونة.

- 1 معلقة كبيرة من زيت جوز الهند.

- 1 معلقة كبيرة عسل.

طريقة التحضير والاستخدام:

1- في طبق اخلطي جل الصبار والحلبة مع بعض لحد ما يشكلوا معجون.

2- ضيفي زيت جوز الهند والعسل ، واخلطي المكونات لحد ما تمتزج كويس.

3- وزعي الخليط على فروة راسك وشعرك ، مع التركيز على الجذور ، سيبيه لمدة 30 – 45 دقيقة.

4- بعدها اغسلي شعرك بماية باردة وشامبو خفيف.

فوايد المكونات:

- زيت جوز الهند ، يعتبر من افضل الزيوت للشعر ، لانه بيحتوي على مكونات طبيعية بتساعد على تقوية الشعر وتقليل تساقطه ، بالاضافةانه يعتبر بلسم طبيعي للشعر.

- جل الصبار ، غني بالانزيمات والمواد المغذية اللي بتغذي فروة الراس وبصيلات الشعر.

- الحلبة ، بيساعد على تعزيز نمو الشعر وبيقلل من تساقطه.

- العسل ، مرطب طبيعي بيساعد في الاحتفاظ على الرطوبة في الشعر ، وبيمنع جفاف وتكسر الشعر.

مقالات متعلقه

ازاي تستخدمي العسل لتحويل شعرك الجاف والباهت لشعر ناعم ولامع

ازاي تستخدمي العسل لتحويل شعرك الجاف والباهت لشعر ناعم ولامع

7 ماسكات بالبيض لتكثيف وتطويل الشعر

7 ماسكات بالبيض لتكثيف وتطويل الشعر

5 ماسكات لترطيب الشعر الجاف والهايش بعمق

5 ماسكات لترطيب الشعر الجاف والهايش بعمق