6 سلوكيات نسائية يحبها الرجال

حب شريكك بيخليكي تقدمي كل حاجة عندك عشان تسعديه ، هتهتمي بيه وتحبيه من غير قيد ولا شرط ، وزي ما في بعض العادات اللي ممكن تزعج الازواج ، زي الاستمرار بالاتصال بيه, التصرف زي الاطفال, تصوير سيلفي طول الوقت, والشوبينج الكتير ، وغيرها من العادات ، في عادات تانية الراجل بيحبها رغم بساطتها ، والنهاردة من خلال موضوعنا هنشارك معاك 6 سلوكيات نسائية يحبها الرجال.

1- تحطي راسك على صدره:

الحركة دي رغم بساطتها الا ان الراجل بيحبها جدا ، لانها بتحسسه ان راجل حقيقي بالنسبة لك ، وان هو مصدر امانك.

2- تلعبي في شعره وهو سايق العربية:

لما بتعملي له الحركة دي ، بيشوف انها تعبير عن الحب والمودة بينكم ، والرغبة الدائمة منك في التواصل الجسدي معاه.

3- مدحه على وسائل التواصل الاجتماعي:

لما تكتبي مدح ليه على السوشيال ميديا ، او تشاركي صورة ليكوا مع بعض ، بيحس انك بتفتخري بيه ومقدره وجوده في حياتك وبتحبي تظهري ده قدام الناس دايما.

4- مستمعة جيدة:

انك دايما بتسمعيه باهتمام وبتسانديه وتدعميه في كل حاجة ، ده هيحسسه بحبك واهتمامك ليه.

5- تبعتي رسالة/او تتصلي وانتي بره البيت لاي سبب:

هيكون سعيد ومبسوط جدا لما تقوليله انك بتفكري فيه وهو مش معاكي ، حتى وانتي مشغولة في حاجة تانية ، ممكن تبعتي له بحبك, وحشتني, او اي كلام حلو تفضليه ، هتفرق جدا وتخليه يبقى عايز يبقى معاكي بسرعة.

6- اظهري مشاعرك في الاماكن العامة:

لما تمسكي ايده في مكان عام ، او تلفي ايدك حواليه ، او تسرحي شعره بايدك في حركة لطيفة ، كل الحاجات البسيطة دي هتخليه يحبك اكتر.