سموزي للفطار عالي السعرات الحرارية (2500 سعرة حرارية) لزيادة الوزن
لو بتحاولي تحافظي على وزنك او تزويه ، النهاردة هنشاركم معاكم سموزي للفطار عالي السعرات الحرارية ، هيعتبر هو الاضافة المثالية ليكي لزيادة وزنك ، لانه بيحتوي على 2500 سعرة حرارية ، تابعي معانا موضوعنا واتعرفي على المكونات والطريقة.
ليه ممكن تكوني محتاجة سعرات حرارية عالية؟
- في كتير من الاشخاص بيعانوا من النحافة وبيكونوا محتاجين سعرات حرارية زيادة لمساعدتهم في زيادة وزنهم.
- او في بعض الاشخاص ممكن يكونوا بيعانوا من مرض معين زي السرطان والعلاج بينزل وزنهم ، ولان العلاجات بتكون محتاجة احتياجات غذائية اضافية ، بالتالي محتاجين يزودوا السعرات الحرارية.
- بالاضافة كمان ان مع التقدم في السن بيحصل انخفاض في الشهية ، وضروري ان الجسم يحصل على التغذية الكافية.
- تناول السعرات الحرارية العالية والاطعمة اللي سعراتها الحرارية عالية بتأدي لتقليل فرصة الاصابة سوء التغذية.
اسباب احتياج السعرات الحرارية العالية:
- التئام الجروح.
- فقدان الوزن.
- سوء التغذية.
- علاج السرطان.
وتعتبر العصاير اللي سعراتها الحرارية عالية طريقة ممتازة لتلبية احتياجات السعرات الحرارية والعناصر الغذائية اللي محتاجها جسمك.
طريقة عمل السموزي:
المكونات:
- 1 كوباية شوفان.
- 1 كوباية زبادي يوناني كامل الدسم.
- 1 مغرفة بروتين بودر بنكهة الفانيليا.
- 1 كوباية كريمة تقيلة.
- 2 كوباية لبن كامل الدسم.
- 1 كوباية افوكادو مجمد.
- ¼ كوباية زبدة فول سوداني.
- 2 معلقة كبيرة من بذور الشيا.
- 1 معلقة كبيرة جوز هند مبشور.
طريقة التحضير:
اخلطي كل المكونات في الخلاط واضربيهم مع بعض كويس للحصول على القوام المطلوب.
الميزة في السموزي ده انك حتى لو شربتي نص الكمية بس ، هيفضل مشروب عالي السعرات الحرارية ، لانه هيديكي حوالي 1000 سعرة حرارية.
والسموزي ده مش بس عالي السعرات الحرارية ، ولكن كمان مليان بالعناصر الغذائية ، بيوفر البروتين, الالياف, الحبوب, الدهون الصحية, الكالسيوم ، وغيرها من الفيتامينات والمعادن.
السعرات الحرارية في السموزي:
- 1 كوباية افوكادو: 200 سعرة حرارية.
- 1 كوباية كريمة تقيلة: 820 سعرة حرارية.
- 2 كوباية لبن كامل الدسم: 300 سعرة حرارية.
- 1 كوباية شوفان: 305 سعرة حرارية.
- 1 كوباية زبادي يوناني كامل الدسم: 220 سعرة حرارية.
- ¼ كوباية زبدة فول سوداني: 360 سعرة حرارية.
- 1 مغرفة بروتين بودر: 100 سعرة حرارية.
- 2 معلقة كبيرة من بذور الشيا: 140 سعرة حرارية.
- 2 معلقة كبيرة جوز هند مبشور: 60 سعرة حرارية.
- اجمالي السعرات الحرارية في السموزي لكل وجبة: 2505 سعرة حرارية.
بدائل للمكونات:
في بعض المكونات ليها بدايل ، مع العلم ان البدائل هتغير من اجمالي السعرات الحرارية ، ولكن هيفضل عالي السعرات.
البدائل النباتية:
- حليب الصويا.
- حليب اللوز.
- حليب الشوفان.
- حليب جوز الهند.
- الزبادي النباتي.
زبدة المكسرات:
- زبدة اللوز.
- زبدة عباد الشمس.
- زبدة البندق المختلطة.
- زبدة الكاجو.
الافوكادو:
الافوكادو بيضيف سعرات حرارية عالية ومواد مغذية ، بما فيهم الدهون الصحية ، ولكن في بدائل ليه.
- موز مجمد.
- افوكادو طازة + تلج.
بذور الشيا:
- بذور الكتان.
- بذور القنب.
نكهات اضافية:
ممكن تضيفي نكهات اضافية للسموزي ، حسب رغبتك.
- صوص شوكولاتة.
- ميبل سيرب.
- عسل.
- توت.
- صوص كراميل.
- صوص فراولة.
- قهوة.
- موز.
- سكر.
- 1 معلقة كبيرة جيلي بودر/ او بودنج.
طبق سموزي:
تقدري تعملي السموزي كطبق تاكليه بدل ما تشربيه كعصير ، استخدمي نفس المكونات لكن من غير ما تضربيها في الخلاط.
للتوبينج:
- جوز هند مبشور.
- جرانولا.
- شوكولاتة.
- مكسرات.
ايه الحاجات اللي المفروض تاكليها جنب السموزي:
العصير لوحده يعتبر وجبة فطار مثالية عالية السعرات الحرارية ، ولكن لو بتفضلي تاكلي حاجة جنبه ، ممكن تختاري من الحاجات دي.
- توست.
- وافل.
- كراكرز.
- بانكيك.
- بيض.
- مافن.
- كعكة ارز.
- معجنات.
- خبز باجل.
تخزين السموزي:
بالرغم اننا بننصحك ان تشربي السموزي كله كوجبة فطار عالية السعرات الحرارية ، وتبدأي يومك ب 2500 سعرة حرارية ، الا انه في بعض الايام ممكن ماتقدريش تشربي الكمية كلها ، تقدري تخزني الباقي في التلاجة لمدة توصل ل 48 ساعة ، مش اكتر من كده ، وتقدري كمان تحفظيه في الفريزر.
