افضل الفيتامينات والمكملات الغذائية لتخسيس الوزن
لو بتاكلي اطعمة منخفضة السعرات الحرارية وقليلة الدهون ، وبتمارسي رياضة بانتظام ، ولكن مش بتشوفي تغيير في وزنك ، ممكن يكون جسمك مفتقد للفيتامينات والمكملات الغذائية لفقدان الوزن ، ولكن عشان نكون صادقين تماما معاكي ، الفيتامينات والمكملات الغذائية لوحدها مش هتسبب فقدان الوزن ، لازم معاها تعملي تغييرات حقيقية في نظامك الغذائي ، تابعي معانا السطور الجايه واتعرفي على الفيتامينات والمكملات الغذائية اللي ممكن تساعدك على فقدان الوزن.
الفيتامينات والمكملات الغذائية مش بس هتساعد على فقدان الوزن ولكن كمان.- هتساعد على موازنة كمية العناصر الغذائية اللي جسمك محتاجها.- هتساعدك على بناء العضلات بشكل اكبر.- زيادة طاقتك ، وده هيساعد على حرق سعرات حرارية اكتر.- خفض الكوليسترول الضار.- تنظيم الهرمونات اللي بتأثر على تخزين الدهون.- تحسين صحة امعائك ، وده هيساعد على معالجة الاكل بشكل افضل.تقدري تجربي نوع واحد من الفيتامينات او تجمعي بين نوعين مع بعض ، لتحسين صحتك العامة ، وتخسيس الوزن.
1- الجلوتامين:
الجلوتامين هو حمض اميني ضروري لجسمك لبناء البروتين ، واللي بدوره بيحافظ كتلة العضلات ، وبما ان العضلات بتلعب دور مهم في حرق السعرات الحرارية ، فنقص الجلوتامين ممكن يمنع فقدان الوزن.والدراسات اثبتت ان النساء اللي اخدوا الجلوتامين لمدة 4 اسابيع من غير تغيير في نظامهم الغذائي او ممارسة الرياضة فقدوا وزن اكبر من النساء اللي اخدوا مكملات البروتين بس ، وبالتالي العلماء اتوصلوا ان الجلوتامين "آمن وفعال" لانقاص الوزن.الجلوتامين متوفر في اطعمة زي الفول, السبانخ, الكرنب ، ولكن لو مش بتاكلي الاطعمة دي بشكل كافي يوميا ، هيكون افضل طريقة انك تاخدي مكملات الجلوتامين.
2- مكمل Leanbean: حارق الدهون الانثوي
المكمل ده بيحتوي على 12 مكون طبيعي لحرق الدهون غير المرغوب فيها ، تم تصميم المكمل ده لمساعدتك على زيادة طاقتك والتمثيل الغذائي ، بمكونات طبيعية زي جارسينيا كامبوجيا, الكركم, مستخلص القهوة الخضرا, مستخلص الشاي الاخضر, الفلفل الحار وغيرها من المكونات.بيحتوي كمان على الياف الكونجاك ، وكيتونات التوت ، المعروفة انها بتقلل الشهية ، بالاضافة انه غني بكتير من الفيتامينات التانية ، ومن اهم مميزاته انه بيرفع الطاقة والتمثيل الغذائي ، كل مكوناتة طبيعية وغير ضارة ، بتستخدمه الرياضيات المحترفات ، نتايجه مضمونة وفعالة.
3- شاي الماتشا الاخضر:
الشاي الاخضر يعتبر من الحاجات المعروفة اللي بتساعد على تخسيس الوزن ، بسبب محتواه من مضادات الاكسدة اللي بتعزز عملية التمثيل الغذائي ، والحقيقة ان شاي الماتشا الاخضر مفعوله اقوى من الشاي الاخضر العادي.تقدري تدخلي شاي الماتشا في نظامك الغذائي بعمل ماتشا لاتيه ، من بودرة الماتشا مع حليب الشوفان او جوز الهند او اللوز او حليب عادي خالي الدسم ، ولكن اتأكدي بنقع الماتشا شوية في ماية سخنة الاول لمساعدتها على الذوبان.وافتكري ان مكملات الماتشا تعتبر من اقوى انواع المكملات واكترها فعالية لانقاص الوزن لما تدخليها مع التمارين الرياضية ، لانها بتعزز من مستويات التمثيل الغذائي والطاقة في الجسم.
4- زيت السمك:
زيت السمك بيتكون من احماض اوميجا 3 الدهنية ، واوميجا 3 مشهورة بفوايدها الصحية ، بما فيهم خفض نسبة الكوليسترول, وتحسين صحة القلب بشكل عام.احماض اوميجا 3 بتساعد على تخسيس الوزن عن طريق تحفيز الانزيمات اللي بتبدأ عملية حرق الدهون في الخلايا.اوميجا 3 موجودة بشكل طبيعي في الاطعمة زي السلمون, المكسرات ، ولكن معظم الناس مش بياكلوا كمية كافية من الاطعمة دي للحصول على الجرعة الموصي بيها ، وبالتالي تقدري تحصلي على كمية اكبر من الاوميجا 3 من خلال كبسولات زيت السمك.
5- فيتامين د:
هل تعرفي ان فيتامين د بيلعب دور في مساعدة جسمك على تحديد اذا كان المفروض يحرق الدهون ولا يخزنها؟لما جسمك مش بيدخله كمية كافية من فيتامين د ، بترتفع مستويات هرمون الغدة الدرقية وهنا الخلايا بتحول السكريات لدهون بدل الطاقة.وللحصول على الجرعة اليومية من فيتامين د ، هو انك تقضي وقت تحت الشس يوميا ، او تاخدي مكملات فيتامين د.بالاضافة كمان ان فيتامين د بيساعد على امتصاص الكالسيوم في الجسم ، اللي ليه فوايده في تخسيس الوزن.
6- الكالسيوم:
الكالسيوم هو مفيد اكتر بكتير من مجرد الحفاظ على صحة العضم ، الدراسات اظهرت ان اتباع نظام غذائي منخفض السعرات الحرارية وغني بالكالسيوم ممكن يزود من فقدان الوزن.
7- البروبيوتيك:
هل تعرفي ان الاشخاص اللي بيعانوا من زيادة الوزن عندهم بكتيريا امعاء مختلفة ، عن الاشخاص اللي وزنهم طبيعي ، وبالتالي البروبيوتيك هيكون افضل بالنسبة لك اكتر ما انتي متوقعة.تقدري تضيفي البروبيوتيك بسهولة في نظامك الغذائي من خلال اكل الزبادي اليوناني, الخضار المخلل زي مخلل الكرنب والكيمتشي ، او تاخدي مكملات البروبيوتيك ، ولكن ضروري يكون المكمل في عبوة غامقة (غير شفافة) لحمايته من التلف الناتج عن الضوء.البروبيوتيك يعتبر واحد من افضل الحلول لشفاء الامعاء وفقدان الوزن بشكل اسرع وللصحة العامة بشكل عام.
8- الكارنيتين:
هو حمض اميني بيساعد على تنظيم استقلاب الجسم للدهون والكربوهيدرات ، ومن غير الكارنيتين ، جسمك هيخزن الدهون بدل ما يحرقها.
9- خلاصة ورق الزيتون:
مستخلص اوراق الزيتون ممكن تساعد في ادارة مستويات الجلوكوز في الدم ، وده مهم لفقدان الوزن ، لانه لما بترتفع مستويات السكر في الدم ، او بتكون غير منتظمة ، بيميل الجسم لتخزين الدهون بدل من حرقها.واستقرار نسبة السكر في الدم معناه انخفاض الرغبة الشديدة في الاكل ، وبالتالي مش هتاكلي الاطعمة اللي بتسبب زيادة في الوزن.
10- خل التفاح:
بيحتوي على حمض الاسيتيك ، وده بيساعد على الحفاظ على درجة حموضة الجسم ، والرقم الهيدروجيني المتوازن بيساعد جسمك على العمل بشكل صحيح ، وده بدوره هيساعد على فقدان الوزن على المدى الطويل.خل التفاح بيساعد جسمك على امتصاص المعادن, تعبئة الكالسيوم, هضم البروتينات, تحفيز الغدة الدرقية ، كل الوظائف اللي تعتبر مهمة لفقدان الوزن.عشن تدخلي خل التفاح لنظامك الغذائي ادمجيه مع اي مشروب ، وكمكل غذائي اتأكدي من اختيار النوع العضوي (المعروف كمان بأسم الانزيمات الصحية).
11- فيتامين ب 12:
فيتامين ب 12 في حد ذاته مش هيخلي جسمك يحرق دهون زيادة او سعرات حرارية ، ولكن الحصول على كمية اكبر منه هيساعدك على تحويل الاكل لطاقة بدل من الدهون.كمان لو ماعندكيش طاقة كفاية لممارسة الرياضة ، فيتامين ب 12 هيساعدك على الحركة ، وفيتامين ب 12 هتلاقيه متوفر في كتير من الفيتامينات المتعددة ، او كمكمل مستقل.
