افكار لتنسيق البنطلون الكتان تستوحي منها اللوك بتاعك في الصيف
الكتان من اكتر الخامات المناسبة لحرارة الصيف ، لانه خفيف ومثالي للحفاظ على برودة الجسم مع المظهر الانيق ، بالاضافة من فينا مش بيحب البنطلونات اللي بتحسسنا بالراحة زي البيجامات في البيت ، ولكن انيقة اننا نلبسها في الخروجات ، سواء كنتي رايحة تتغدي مع اصحابك, طالعة مصيف, او سهرة صيفية ، البنطلونات الكتان هتوفرلك مزيج من الراحة والاناقة لملابسك الصيفية ، والنهاردة من خلال موضوعنا هنشارك معاكم افكار لتنسيق البنطلون الكتان في الصيف.
ازاي تنسقي البنطلون الكتان لموسم الصيف:
البنطلونات الكتان تعتبر قطعة اساسية في دولاب ملابسك الصيفية ، لانه زي ما قولنا بيوفر مزيج من الراحة والاناقة.
سواء كنتي رايحة للشاطيء, المكتب, خارجة تفطري بره, طالعة مع اصحابك ، تقدري تلبسي البنطلون الكتان وتنسقيه لاي مناسبة.
- حافظي على لوك كاجوال: لعمل لوك كاجوال بسيط نسقي البنطلون الكتان مع بيزك تيشرت او تانك توب ، وكملي اللوك بسنيكرز او فليب فلوب.
- استخدمي المايوه بتاعك كتوب: للحصول على لوك سهل على الشاطيء ، ممكن تلبسي البنطلون الكتان ، مع القطعة العلوية من المايوة.
- ضيفي قطعة علوية مميزة: للحصول على مظهر راقي ، البسي البنطلون الكتان مع قطعة علوية مميزة ، ممكن تنسقيه مع توب قصير بسيط وتكملي اللوك مع صندل بأربطة ، ممكن تنسقي مع البنطلون الكتان توب حرير وتكملي اللوك بصندل ويدج لخروجة صيفية بالليل ، او تنسقي البنطلون الكتان مع شيميز وكملي اللوك بشوز فلات للوك عملي للشغل.
- البسي حزام: الاحزمة تعتبر طريقة رائعة لتغيير مظهر البنطلون الكتان بتاعك من غير ما تشتري واحد تاني جديد.
بنطلون كتان قصير: ضيفي لدولابك بنطلون كتان قصير ، ولو مش متوفر عندك تقدري تقصري اللي عندك بطريقتين ، اتني رجل البنطلون ، او حطي شريط قماش قابل للازالة ، او استخدمي شريط مطاطي شفاف لتقصير الرجل.
