ازاي تستخدمي جل الالوفيرا للتخلص من الهالات السودا بسرعة
الهالات السودا من المشاكل الشائعة جدا عن كتير من الاشخاص ، سواء بسبب الاجهاد, عدم النوم كفاية, الوراثة ، النهاردة من خلال موضوعنا هنتعرف مع بعض على طريقة استخدام جل الالوفيرا لعلاج الهالات السودا بشكل سريع.
وصفة جل الالوفيرا والعسل:
هتحتاجي:
- 1 معلقة صغيرة عسل.
- 1 معلقة صغيرة من جل الالوفيرا.
الطريقة:
اخلطي جل الالوفيرا مع العسل كويس ، وزعي الخليط ده تحت العين وعلى الجفون كمان مع التدليك بلطف ، سيبيه لمدة 15 دقيقة وبعدها اغسليه بالماية.
كرري الوصفة دي كل يوم قبل النوم ، في خلال 7 ايام هتحسي بنتيجة ملحوظة.
سيروم جل الالوفيرا مع فيتامين E:
هتحتاجي:
- 1 كبسولة زيت فيتامين E.
- 2 معلقة صغيرة من جل الالوفيرا.
الطريقة:
اخلطي الزيت مع جل الالوفيرا ، كده السيروم يبقى جاهز للاستخدام ، دلكيه على منطقة حوالين العين ، وسيبيه طول الليل ، واغسليه الصبح.
كرريه من 2 – 3 مرات في الاسبوع ، وفي خلال اسبوعين من الاستخدام هتلاحظي الفرق.
نصايح اضافية:
- النوم عدد ساعات كفاية: للحصول على بشرة صحية بشكل عام وتجنب الهالات السودا ، اتأكدي انك تنامي من 7 – 8 ساعات يوميا.
- حافظي على رطوبة الجسم: اشربي كمية كافية من الماية للحفاظ على رطوبة جسمك والحفاظ على صحة بشرتك ، وتقليل الهالات السودا.
- العلاجات الطبيعية: لمنع الخطوط الرفيعة والتجاعيد حوالين العين والحفاظ على الجلد في المنطقة دي ، ادمجي العلاجات المنزلية البسيطة في روتينك اليومي.
- النظام الغذائي المتوازن: النظام الغذائي الصحي والمتوازن يعتبر وسيلة فعالة للحفاظ على صحة الجلد ، وهتلاحظي الفرق على صحتك العامة كمان مش بس في منطقة تحت العين.
- تجنب التوتر: من خلال ممارسة اسلوب حياة متوازن, ممارسة تمارين التخلص من التوتر زي اليوجا.
- علاج فقر الدم: نقص الحديد كمان ممكن يكون سبب للهالات السودا ، عشان كده ضروري زياة كمية الحديد بالاكل والمكملات الغذائية.
