نصايح لعلاج حب الشباب الهرموني
مع كمية التلوث والشوائب الموجودة في الجو حوالينا ، البشرة بتبقى معرضة لحب الشباب بشكل اسرع بكتير ، وفي حين انه بيكون اسهل علاج حب الشباب المرتبط بالنظام الغذائي ، الا انه الامور بتبقى اصعب لما بتكون الهرمونات هي السبب ، حب الشباب الهرموني بيكون ياما بسبب مشاكل زي متلازمة تكيس المبايض ، او بسبب اسلوب الحياة زي نوعية الاكل, او روتين اللياقة البدنية غير النشط ، وفي المقالة بتاعتنا ، هنشارك معاكم بعض النصايح اللي ممكن تساعدك على الوقاية من حب الشباب الهرموني ، وتحافظ على بشرتك صحية.
1- حافظي على رطوبتك:
- لو بتعاني من حب الشباب الهرموني ، ضروري انك تحافظي على رطوبة جسمك باستمرار ، لان الحرارة اللي بيولدها الجسم بسبب التغيرات الهرمونية بينتج عنها حب الشباب.
- عشان كده لازم تحافظي على شرب 8 – 10 كوبايات للوقاية من حب الشباب الهرموني بشكل دائم.
2- النوم الصحيح:
- خلال فترة الليل الجسم بيتعافى ، لما بتنامي جسمك بيستهدف كل المناطق اللي بتعاني من مشاكل وبيصلحها ، وبالتالي لازم تتأكدي انك بتنامي كفاية.
- النوم كل ليلة لمدة 6 ساعات على الاقل هيساعدك على تسريع عملية الاصلاح.
3- اختاري المنتجات المناسبة:
- لما تتعاملي مع حب الشباب الهرموني ، مهم جدا انك تختاري المنتجات المناسبة ، اتجنبي استخدام انواع الغسول القاسية اللي بتجرد البشرة تماما من الزيوت لانها ممكن تهيج الجلد وبالتالي ده هيسبب افراز زيوت زيادة.
- كمان اختيار مقشرات وكريمات قاسية ممكن يأدي لالتهاب الجلد وده هيخليه يبطل الغرض منه وهيسبب زيادة في انتاج الزهم.
4- قشري بشرتك بشكل كافي:
- عدم توازن الهرمونات ممكن يأدي لحدوث خلل في الغدد الدهنية ، عشان كده ضروري انك تقشري بشرتك بنتظام لازالة الزيوت والشوائب من بشرتك.
- استخدمي مقشر لطيف وقشري بشرتك 3 مرات في الاسبوع لمنع ظهور حب الشباب.
- اختاري غسول بيحتوي على حمض الساليسيليك للوصول لعمق المسام وتنضيفها.
5- استخدام حبوب:
- استخدام الحبوب او البرشام من الاختيارات الفعالة ، ولكن لازم الخطوة دي تكون تحت اشراف دكتور متخصص.
- الحبوب بتساعد على تقليل مستويات هرمون التستوستيرون في جسمك ، وده بدوره بيأدي لتقليل ظهور حب الشباب.
6- الاعتماد على نظام غذائي صحي:
- كل اللي بتاكليه بينعكس بشكل مباشر على بشرتك ، ولو بتعاني من حب الشباب الهرموني بشكل خاص ، مهم جدا انك تركزي على اللي بتاكليه بعناية ، دخلي في نظامك الغذائي الاطعمة الصحية اللي بتهدي الالتهاب وبتبرد الجسم.
- الخيار, الافوكادو, سمك السلمون ، تعتبر من الاطعمة المفيدة لعلاج حب الشباب الهرموني.
7- استخدام الريتينويد الموضعي:
الريتينويد بيساعد في التخلص من خلايا الجلد الميتة ، وده بيضمن عدم ارتباطها بعض وسد المسام ، والريتينويد يعتبر من العلاجات الفعالة لحب الشباب الهرموني بشكل دائم.
8- علاجات من غير وصفة طبية:
- علاجات حب الشباب الخفيفة اللي مش محتاجة وصفة طبية ، زي التنضيف باستخدام غسول مضاد للبكتيريا هيساعدك على علاج حب الشباب الهرموني.
- كمان اختيار البنزويل بيروكسيد يعتبر علاج ممتاز تقدري تعتمدي عليه من غير وصفة طبية.
- اتأكدي بس من عدم التعرض لاشعة الشمس المباشرة بعد استخدام العلاجات دي.
