11 طريقة لازالة الاظافر المضغوطة Press-On Nails من غير ما تضري ضوافرك الطبيعية

ريهام محمود
ريهام محمود
في
أظافر
55

الاظافر المضغوطة من الانواع سهلة التركيب ، ولكن ازالتها بطريقة غير صحيحة ممكن يأدي لترقق ضوافرك الطبيعية وتكسرها وانقسامها ، والنهاردة من خلال المقال بتاعنا هنشارك معاكم 11 طريقة لازالة الضوافر المضغوطة بسهولة وامان من غير ما تضري ضوافرك الطبيعية.

1- كرات القطن:

من اصعب الحاجات في ازالة الضوافر المضغوطة هو التأكد من ان الطبقة الاساسية مشبعة بالكامل عشان تقدري تفصليها عن الضوفر الطبيعي من غير ما تضريه ، ، وواحدة من الحيل اللي ممكن تعمليها هاتي قطعة قطن وقطعيها اجزاء صغير وانقعيها في الاسيتون ولفيها حوالين ضوافرك ، الاسيتون هيساعد على تفكيك غرا الضوافر المضغوطة ، وازالتها بسهولة من غير ما تضري الضوافر الطبيعية.

طرق لازالة الضوافر المضغوطة.1
طرق لازالة الضوافر المضغوطة.1

2- مزيل غراء الاظافر:

نضفي الغرا الموجود على ضوافرك الطبيعية باستخدام كرات قطن منقوعة في الاسيتون ، وبعدين حطي عليها شريط لاصق على الاجزاء اللي فيها غرا وسيبيه لمدة 10 – 15 دقيقة ، وبعدين شيلي الشريط اللاصق وانقعي ضوافرك في الاسيتون لازالة بقايا اللاصق.

ودايما اسحبي الضوفر بالراحة وببطء ، لانه سحبه بسرعة هيأدي لتلف ضوافرك.

طرق لازالة الضوافر المضغوطة.2
طرق لازالة الضوافر المضغوطة.2

3- استخدمي مقص الاظافر:

قصي الضوافر بقدر الامكان على قد ما تقدري ، واستخدمي مبرد الاظافر لازالة اي بقايا ، وبعدها امسحي بقايا الغرا بقطعة قطن بكحول.

طرق لازالة الضوافر المضغوطة.3
طرق لازالة الضوافر المضغوطة.3

4- استخدمي اداة تلميع الاظافر:

دي تعتبر اسرع طريقة لازالة الضوافر المضغوطة ، استخدمي مبرد الضوافر لفرك الطبقة العلوية من ضوافرك الطبيعية لازالة الغرا لحد ما تبقى متساوية.

طرق لازالة الضوافر المضغوطة.4
طرق لازالة الضوافر المضغوطة.4

5- جربي ألة برد الضوافر:

لو الضوافر المضغوطة عليها لولي او استراس او احجار او غيرها من الاشكال ثلاثية الابعاد ، ابرديها باستخدام ألة برد الاظافر عشان تخلي عملية الازالة اسهل ، ولكن الافضل في الطريقة دي عدم استخدامها في البيت لانها ممكن تتلف ضوافرك الطبيعية ، الافضل ان الطريقة دي تتعمل في صالون متخصص.

طرق لازالة الضوافر المضغوطة.5
طرق لازالة الضوافر المضغوطة.5

6- استخدمي زيت الزيتون:

زيت الزيتون يعتبر من الطرق الفعالة لازالة بقايا الغرا من على الاظافر الطبيعية من غير تهيج بشرتك او ضوافرك ، انقعي كرات القطن في زيت الزيتون وحطي كل قطعة قطن على كل ضوفر ، سيبيها لمدة 10 دقايق ، وبعدها شيلي ضوافرك المضغوطة من اسفل الضوفر باستخدام حركة هز بسيطة.

طرق لازالة الضوافر المضغوطة.6
طرق لازالة الضوافر المضغوطة.6

7- استخدام ال Orange stick:

استخدمي ملقاط لسحب الضوفر التركيب بعيد عن ضوافرك الطبيعية من الجناب ، وبعدين ادفعيهم من تحت باستخدام Orange stick ، ولما اتخلصي امسحي الضوافر بالكحول لازالة بقايا الغرا ، وماتسحبيش الضوافر بقوة او بسرعة كبيرة لان ده هيأدي لتلف ضوافرك الطبيعية.

طرق لازالة الضوافر المضغوطة.7
طرق لازالة الضوافر المضغوطة.7

8- استخدمي الماية والصابون:

املي طبق صغير بماية دافية وشوية من صابون غسيل الاطباق السائل ، انقعي كل ضوفر في الماية لمدة 5 – 10 ثواني ، وبعدها شيلي الضوفر بالراحة ، وبعد ما تشيلي كل الضوافر اغسلي ضوافرك الطبيعية بالماية والصابون العادي.

ممكن اثناء نقع الضوافر في الماية والصابون تهزيها شوية شمال ويمين ، عشان الماية والصابون يوصلوا للمادة اللاصقة وتتفك بسرعة.

طرق لازالة الضوافر المضغوطة.8
طرق لازالة الضوافر المضغوطة.8

9- استخدمي صودا الخبز (الكربوناتو):

استخدمي مقدرين من صودا الخبز مع مقدار من الماية يعني كمية صودا الخبز تبقى ضعف كمية الماية بحيث يبقى عندك خليط كريمي سميك ، افركي الخليط ده على ضوافرك الصناعية واستني 5 دقايق ، وبعدها ابدأي شيلي الضوافر ، وبعدين اغسلي ضوافرك الطبيعية بالماية والصابون لازالة اي بقايا.

طرق لازالة الضوافر المضغوطة.9
طرق لازالة الضوافر المضغوطة.9

10- استخدمي زيت البشرة:

ارفعي حواف الضوافر باستخدام ال Orange stick ، وضيفي كام نقطة من زيت البشرة تحت وحوالين الضوافر ، سيبيها لمدة دقيقة ، وبعدها ابدأي شيلي الضوافر بالراحة ، الزيت مش بس هيخلي عملية ازالة الضوافر سهلة ولكن كمان هيرطب ضوافرك والجلد اللي حوالين الضوافر ، في الاخر اغسلي ضوافرك لازالة اي بقايا زيتية او لاصقة باقية.

طرق لازالة الضوافر المضغوطة.10
طرق لازالة الضوافر المضغوطة.10

11- روحي صالون متخصص:

ازالة الضوافر المضغوطة عموما مش محتاجة انك تروحي صالون متخصص ، ولكن مع ذلك لو انتي مبتدئة ومش متأكدة من العملية او حاطة ضوافر فيها اشكال واستراس ، تقدري تروحي صالون متخصص لازالتها.

طرق لازالة الضوافر المضغوطة.11
طرق لازالة الضوافر المضغوطة.11

العناية بالاظافر بعد ازالة الضوافر المضغوطة:

- اعملي تلميع للاظافر مرة في الاسبوع.

- ابردي الضوافر في اتجاه واحد.

- اعملي جلسة مانيكير في الصالون او في البيت.

- اشربي كمية ماية كفاية.

- كلي اطعمة صحية.

- جربي علاج الكيراتين للاظافر.

- دلكي ضوافرك استخدام زيت الضوافر.

- البسي جوانتي عند استخدام اي منظفات فيها مواد كيميائية في التنضيف او غسيل الاطباق والهدوم.

- اتجنبي استخدام المنتجات اللي بتحتوي على مواد كيميائية تقيلة.

طرق لازالة الضوافر المضغوطة.12
طرق لازالة الضوافر المضغوطة.12

مقالات متعلقه

مشروب الكولاجين الطبيعي لجمال البشرة والشعر والاظافر

مشروب الكولاجين الطبيعي لجمال البشرة والشعر والاظافر

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

6 وصفات طبيعية سهلة لتقوية الاظافر الضعيفة

6 وصفات طبيعية سهلة لتقوية الاظافر الضعيفة