استخدمي الماسك ده قبل غسل الشعر ب 30 دقيقة لنمو الشعر بسرعة وبشكل مضاعف

ريهام محمود
ريهام محمود
في
شعر
115

في كتير من العلامات التجارية بتحتوي بالفعل على مكونات طبيعية ، وهنلاقي البصل عنصر اساسي في كتير من المنتجات اللي بتساعد على نمو الشعر بشكل اسرع ، ولكن مافيش داعي انك تعرضي شعرك للمواد الكيميائية ، وانتي ممكن تستخدمي البصل بشكل طبيعي مباشرة على فروة راسك وهيديكي نفس النتايج ، تابعي معانا السطور الجايه واتعرفي على ماسك البصل لزيادة نمو الشعر.

البصل غني بالزنك, الكبريت, انزيم الكاتالاز (مضاد للاكسدة), حمض الفوليك, فيتامين C, E, B, الفوسفور, البوتاسيوم ، وغيرها من العناصر الغذائية الاساسية اللي بتخلي البصل مكون فعال جدا في مكافحة الالتهابات الفطرية, تحسين دورة نمو الشعر, زيادة نموه, تحسين صحة الشعر, تنشيط البصيلات الخاملة, والحفاظ على فروة الراس نضيفة وصحية.

ودلوقتي هنشارك معاكم ماسك بسيط للشعر مش هيحتاج اكتر من دقيقتين لتحضيره.

ماسك البصل والجنزبيل لنمو الشعر:

هحتاجي:

- عصير بصل.

- عصير جنزبيل.

طريقة التحضير والاستخدام:

1- هاتي البصل وابشريه واضغطي عليه بالمعلقة على مصفى او في قطعة شاش واستخرجي منه العصير ، واستخرجي عصير الجنزبيل بنفس الطريقة.

2- الكمية حسب طول وكثافة شعرك ، اخلطي كميات متساوية من عصير البصل وعصير الجنزبيل وامزجيهم مع بعض.

3- وزعي الخليط على فروة راسك ودلكيه كويس.

4- سيبيه لمدة 30 دقيقة تقريبا وبعدها اغسليه بشامبو خفيف وبلسم.

ماسك البصل لزيادة نمو الشعر.1
ماسك البصل لزيادة نمو الشعر.1

لو شعرك جاف وهايش ومجعد ، ممكن تستخدمي عسل مع عصير البصل لترطيب الشعر وتنعيمه ، وعشان تحضري الماسك ده.

ماسك البصل والعسل لترطيب الشعر:

هتحتاجي:

- 1 معلقة كبيرة عسل.

- ½ كوباية من عصير البصل.

طريقة التحضير والاستخدام:

1- اخلطي العسل مع عصير البصل كويس.

2- وزعي الخليط على فروة راسك وعلى طول الشعر ودلكيه بلطف.

3- سيبيه لمدة 15 دقيقة ، بعدها اغسليه بشامبو خفيف وبلسم.

4- ممكن كمان تخلطي عصير البصل مع زيت جوز الهند لترطيب وتنعيم الشعر.

مقالات متعلقه

سيروم طبيعي لتطويل وتكثيف الشعر بسرعة

سيروم طبيعي لتطويل وتكثيف الشعر بسرعة

علاج الشعر بأوراق الكاري

علاج الشعر بأوراق الكاري

طريقة سريعة لزيادة نمو الشعر

طريقة سريعة لزيادة نمو الشعر