وصفة طاجن السبانخ الكريمي
الخضروات العادية اللي كلنا متعودين نطبخها بالطريقة التقليدية ، نقدر نعملها بطرق تانية مختلفة ونغير طعمها تماما ، والنهاردة من خلال موضوعنا هنشوف مع بعض طريقة جديدة ومختلفة لعمل السبانخ وهي طاجن السبانخ الكريمي ، لو انتي من عشاق السبانخ هتحبيها اكتر ، ولو مش بتحبي السبانخ هتحبيها بعد الوصفة دي ، تابعي معانا السطور الجايه واعرفي الطريقة بالخطوات.
المكونات:
- 1 كوباية بصل مبشور مقلي ، متقسمة نصين.
- ½ كوباية فتات خبز البانكو ، او فتات خبز عادي.
- 2 معلقة كبيرة زيت زيتون.
- 255 جرام سبانخ طازة.
- 3 معلقة كبيرة زبدة.
- 3 فصوص ثوم مفرومين.
- 3 معلقة كبيرة دقيق.
- 1 ½ كوباية لبن كامل الدسم.
- ½ معلقة صغيرة ملح.
- ¼ معلقة صغيرة فلفل اسود.
- 60 جرام جبنة كريمي.
- 1/3 كوباية جبنة بارميزان.
- 1 ½ كوباية جبنة شيدر مبشورة.
- بشر قشر ليمونة.
طريقة التحضير:
1- سخني الفرن على درجة حرارة 180 درجة مئوية ، وفي طبق صغير اخلطي ½ كوباية من البصل المقلي مع فتات الخبز ، وخليه على جنب هنستخدمه بعدين.
2- في طاسة كبيرة على نار متوسطة ، ضيفي زيت الزيتون ، وبعدين السبانخ (على دفعات لو لزم الامر) قلبيها لحد ما تدبل لمدة 5 دقايق تقريبا ، بعدها انقليها في طبق وسيبيها على جنب.
3- في نفس الطاسة ضيفي الزبدة ، لما تدوب ضيفي لها الثوم المفروم والدقيق وقلبي لمدة دقيقتين.
4- ضيفي اللبن, الملح والفلفل الاسود ، وقلبي الخليط لحد ما قوامه يتقل شوية لمدة 5 – 7 دقايق تقريبا.
6- خففي النار لدرجة حرارة منخفضة وضيفي الجبنة الكريمي وقلبيها لحد ما تمتزج تماما ، وبعدين ضيفي الجبنة الشيدر على 3 دفعات واتأكدي ان الجبنة دابت وامتزجت كويس قبل ما تضيفي الدفعة اللي بعدها ، بعدها ضيفي الجبنة البارميزان ، الخليط في المرحلة دي هيكون سميك اوي.
7- ضيفي السبانخ بالسوائل اللي نزلت منها لصوص الجبنة ، وقلبي لحد ما المكونات تمتزج كويس ، وضيفي ½ كوباية البصل المقلي الباقية.
8- انقلي الخليط في صينية ورشي على الوش خليط البصل المقلي وقتات الخبز اللي حضرناه في البداية.
9- دخليها الفرن لحد ما الطبقة العلوية تاخد لون دهبي ، لمدة 30 – 35 دقيقة تقريبا ، طلعيها من الفرن وسيبيها ترتاح لمدة 10 دقايق على الاقل ، ورشي عليها بشر قشر الليمون قبل التقديم.
