طريقة عمل سبراي معطر للفم

ريهام محمود
ريهام محمود
في
صحة
73

لو عايزة تتخلصي من ريحة الفم الكريهة مهما كان سببها ويبقى نفسك منعش وريحته حلوة ، النهاردة هنعمل ده مع بعض بطريقة طبيعية ، وهنعرف مع بعض اكتر من طريقة لعمل سبراي معطر الفم.

الطريقة 1:

هتحتاجي:

- 3 نقط من زيت النعناع.

- نقطتين من زيت القرفة.

- ماية مقطرة.

- زجاجة سبراي غامقة 60 مل.

الطريقة:

1- ضيفي زيت النعناع, زيت القرفة في زجاجة السبراي.

2- املي باقي الزجاجة بالماية المقطرة.

3- رجيها كويس لمزج كل المكونات مع بعض كويس ، وكده السبراي جاهز للاستخدام ، رشي منه رشتين في الفم لنفس نضيف ومنعش ، ورجيه قبل كل استخدام.

وممكن في الوصفة دي تستخدمي زيت النعناع بس مع الماية المقطرة.

سبراي معطر للفم.1
سبراي معطر للفم.1

الطريقة 2:

هتحتاجي:

- زيوت عطرية (زيت نعناع, زيت ليمون, زيت برتقان, زيت قرنفل, زيت قرفة, زيت شجرة الشاي).

- ماية مقطرة.

- زجاجة سبراي غامقة 60 مل.

الطريقة:

1- ممكن تستخدمي نوعين بس من الزيوت العطرية او تستخدمي مزيج من كل الزيوت.

2- ضيفي من 5 – 10 نقطة من الزيت العطري اللي تختاريه في زجاجة سبراي واملي الباقي بالماية المقطرة ورجيها لمزج المكونات.

- لعمل معطر نعناع ، بمزج 8 نقط من زيت النعناع مع نقطتين من زيت القرفة.

- معطر قرفة ، امزجي 4 نقط من زيت البرتقان, 3 نقط من زيت القرفة, 3 نقط من زيت القرنفل.

- معطر برتقان ، 8 نقط من زيت البرتقان, نقطتين من زيت الليمون.

- تقدري تغيري في النسب زي ما انتي عايزة حسب النكهة والريحة اللي انتي بتفضليها.

- لو عايزة تعملي المعطر لطفل من اول 13 سنة قللي كمية الزيوت العطرية ، ضيفي 2 – 5 نقط بس من الزيوت العطرية بدل 10 نقط.

سبراي معطر للفم.2
سبراي معطر للفم.2

مقالات متعلقه

هل تعرفي الحقائق دي للحفاظ على صحتك؟

هل تعرفي الحقائق دي للحفاظ على صحتك؟

ليه اللسان بيتحول للون الابيض و 8 طرق للتخلص من المشكلة

ليه اللسان بيتحول للون الابيض و 8 طرق للتخلص من المشكلة

6 عادات يومية اسنانك هتشكرك على الانتظام عليهم

6 عادات يومية اسنانك هتشكرك على الانتظام عليهم