كريم طبيعي مضاد للتجاعيد تعمليه بنفسك في البيت ، ونتيجته افضل من البوتوكس
لو بتدوري على علاج طبيعي لشد البشرة وتجديد شبابها والتخلص من التجاعيد ، تابعي وصفتنا هنتعرف مع بعض على طريقة عمل كريم طبيعي مضاد للتجاعيد بمكونات طبيعية.
كريم لعلاج التجاعيد:
المكونات:
- 1 معلقة كبيرة فازلين.
- 1 معلقة كبيرة زيت جوز الهند.
- 1 معلقة صغيرة عسل.
- 2 معلقة كبيرة من جل الالوفيرا.
طريقة التحضير والاستخدام:
1- في طبق صغير اخلطي الفازلين, زيت جوز الهند, العسل ، ودوبيهم مع بعض على حمام ماية سخنة.
2- بعد ما يدوبوا ضيفي لهم جل الالوفيرا ، وامزجي كل المكونات مع بعض كويس لحد ما توصلي لقوام كريمي ناعم.
3- انقلي الكريم لعلبة محكمة الغلق ، هيقعد معاكي لحد شهر.
4- ادهني الكريم كل يوم على الوش والرقبة وسيبيه طول الليل.
![كريم طبيعي مضاد للتجاعيد.1 كريم طبيعي مضاد للتجاعيد.1](https://static.banat7wa.com/post-media/2024/06/كريم-طبيعي-مضاد-للتجاعيد-11.jpg)
ماسك لعلاج التجاعيد:
المكونات:
- ½ معلقة صغيرة من زيت جوز الهند.
- 1 بياض بيضة.
- ½ معلقة صغيرة من عصير الليمون.
طريقة التحضير والاستخدام:
1- في طبق صغير اخلطي المكونات كلها مع بعض وامزجيهم كويس لحد ما تحصلي على قوام سلس.
2- للاستخدام ، نضفي بشرتك كويس ، وباستخدام اطراف صوابعك ، دلكي الخليط بلطف في حركات دائرية على بشرتك لمدة 5 دقايق ، بعدها سيبيه لمدة 30 دقيقة كمان ، وبعدين اغسليه بماية دافية.
3- للحصول على افضل النتايج ، كرري العلاج ده 4 مرات على الاقل في الاسبوع.
والماسك ده اثبت فعاليته مش بس في علاج التجاعيد ولكن كمان بيعالج مشاكل البشرة زي العيوب, حب الشباب, بالاضافة للتجاعيد.
ملحوظة: قبل استخدام العلاج اعملي اختبار حساسية على جزء صغير من البشرة ، عشان تتأكدي ان ماعندكيش اي حساسية من اي مكون من مكونات الماسك.