كريم طبيعي مضاد للتجاعيد تعمليه بنفسك في البيت ، ونتيجته افضل من البوتوكس

ريهام محمود
ريهام محمود
في
بشرة
100

لو بتدوري على علاج طبيعي لشد البشرة وتجديد شبابها والتخلص من التجاعيد ، تابعي وصفتنا هنتعرف مع بعض على طريقة عمل كريم طبيعي مضاد للتجاعيد بمكونات طبيعية.

كريم لعلاج التجاعيد:

المكونات:

- 1 معلقة كبيرة فازلين.

- 1 معلقة كبيرة زيت جوز الهند.

- 1 معلقة صغيرة عسل.

- 2 معلقة كبيرة من جل الالوفيرا.

طريقة التحضير والاستخدام:

1- في طبق صغير اخلطي الفازلين, زيت جوز الهند, العسل ، ودوبيهم مع بعض على حمام ماية سخنة.

2- بعد ما يدوبوا ضيفي لهم جل الالوفيرا ، وامزجي كل المكونات مع بعض كويس لحد ما توصلي لقوام كريمي ناعم.

3- انقلي الكريم لعلبة محكمة الغلق ، هيقعد معاكي لحد شهر.

4- ادهني الكريم كل يوم على الوش والرقبة وسيبيه طول الليل.

كريم طبيعي مضاد للتجاعيد.1
كريم طبيعي مضاد للتجاعيد.1

ماسك لعلاج التجاعيد:

المكونات:

- ½ معلقة صغيرة من زيت جوز الهند.

- 1 بياض بيضة.

- ½ معلقة صغيرة من عصير الليمون.

طريقة التحضير والاستخدام:

1- في طبق صغير اخلطي المكونات كلها مع بعض وامزجيهم كويس لحد ما تحصلي على قوام سلس.

2- للاستخدام ، نضفي بشرتك كويس ، وباستخدام اطراف صوابعك ، دلكي الخليط بلطف في حركات دائرية على بشرتك لمدة 5 دقايق ، بعدها سيبيه لمدة 30 دقيقة كمان ، وبعدين اغسليه بماية دافية.

3- للحصول على افضل النتايج ، كرري العلاج ده 4 مرات على الاقل في الاسبوع.

والماسك ده اثبت فعاليته مش بس في علاج التجاعيد ولكن كمان بيعالج مشاكل البشرة زي العيوب, حب الشباب, بالاضافة للتجاعيد.

ملحوظة: قبل استخدام العلاج اعملي اختبار حساسية على جزء صغير من البشرة ، عشان تتأكدي ان ماعندكيش اي حساسية من اي مكون من مكونات الماسك.

مقالات متعلقه

احصلي على تفتيح فوري ونضارة للبشرة بكريم البنجر

احصلي على تفتيح فوري ونضارة للبشرة بكريم البنجر

كريم الارز الكوري الطبيعي للتخلص من التجاعيد وتفتيح البشرة

كريم الارز الكوري الطبيعي للتخلص من التجاعيد وتفتيح البشرة

فوايد الشبة الجمالية للبشرة

فوايد الشبة الجمالية للبشرة