وصفة موس الشوكولاتة من غير فرن

ريهام محمود
ريهام محمود
29

لو عايزة وصفة سهلة وسريعة ومش محتاجة فرن ومناسبة للصيف ، وصفتنا النهاردة ليكي ، تابعي معانا السطور الجاية واتعرفي على طريقة عمل الواح موس الشوكولاتة بالخطوات.

مكونات الطبقة المقرمشة:

- 18 قطعة بسكويت سادة اي نوع تفضليه (حوالي 269 جرام).

- 8 معالق كبيرة زبدة سايحة غير مملحة (113 جرام).

- 2 معلقة كبيرة سكر.

- ¼ معلقة صغيرة ملح.

مكونات الحشو:

- 454 جرام شوكولاتة اي نوع تفضليه ، مفرومة فرم ناعم.

- 3 كوبايات كريمة ساقعة ، مع كمية اضافية للتقديم.

- 2 معلقة صغيرة قهوة مطحونة (اختياري ، ولكن هي بتضيف طعم اقوي).

- ½ معلقة صغيرة ملح.

- 1 معلقة كبيرة فانيليا سايلة.

- كريم شانتي للتقديم (اختياري).

موس الشوكولاتة من غير فرن.1
موس الشوكولاتة من غير فرن.1

طريقة التحضير:

1- لتحضير الطبقة المقرمشة ، هاتي صينية مستطيلة بمقاس متوسط وبطنيها بورق زبدة ، في محضرة الطعام او في كيس قابل للقفل ، حطي البكسويت واطحنيه لحد ما تحصلي على فتات ناعم ، المفروض يكون عندك حوالي 2 ¼ كوباية بسكويت ، انقلي البسكويت المطحون في طبق وضيفي له الزبدة, السكر, الملح ، وقلبيه كويس لحد ما الزبدة تغطي البسكويت كله بالتساوي ، حطي خليط البسكويت في الصينية وساويه واضغطي عليه كويس بحيث يعمل طبقة سفلية متساوية ، ودخلي الصينية الفريزر اثناء تحضير الحشوة.

2- لتحضير الحشوة ، في طبق متوسط حطي الشوكولاتةوسيبيها على جنب ، في حلة على النار ضيفي كوباية واحدة من الكريمة, والقهوة, والملح وقلبيهم مع بعض لحد ما الخليط يسخن من غير ما يغلي ، صبي خليط الكريمة فوق الشوكولاتة وقلبيهم مع بعض وسيبيهم لمدة دقيقتين لحد ما الشوكولاتة تدوب ، ضيفي الفانيليا وقلبي لحد ما الخليط يبقى ناعم ، سيبيه على جنب لحد ما يبرد تماما.

3- في طبق كبير اخفقي كوبايتين الكريمة الباقيين لحد ما تبقى متماسكة وكريمي ، ضيفي لها خليط الشوكولاتة وقلبي بالراحة ، صبي خليط الشوكولاتة والكريمة في الصينية فوق طبقة البسكويت اللي جهزناها ووزعيها بالتساوي ، غطي الصينية بكيس بلاستيك ودخليها التلاجة تسقع لحد ما الخليط يبقى متماسك لمدة ساعتين على الاقل.

للتقديم ، قطعيها مكعبات ، وحطي فوقيها كريم شانتيه حسب الرغبة.

مقالات متعلقه

وصفة آيس كريم النعناع

وصفة آيس كريم النعناع

طريقة عمل الكريب سوزيت

طريقة عمل الكريب سوزيت

طريقة عمل ايس كونو بسيرب الفواكة

طريقة عمل ايس كونو بسيرب الفواكة