روتين صباحي بالعسل لبشرة نضرة وصحية
العسل من المكونات المفيدة جدا للبشرة ، وليه استخدامات جمالية كتير ، والنهاردة من خلال موضوعنا هنشارك معاكم روتين صباحي للعناية بالبشرة بالعسل لبشرة نضرة وصحية وهيساعد كمان على توهجك من جوه الجسم مش من بره بس.
غسول البشرة بالعسل:
كل اللي هتحتاجيه ½ معلقة صغيرة عسل ، وزعيها على بشرتك ، ودلكيه لمدة 5 دقايق ، وبعدها اغسلي بشرتك بماية فاترة.
مشروب العسل:
هتحتاجي:
- كوباية ماية دافية.
- معلقة عسل.
- كام نقطة عصير ليمون.
في كوباية الماية اخلطي العسل وعصير الليمون وقلبيهم مع بعض ، اشربي المشروب ده كل يوم على الريق.
المشروب بيساعد على طرد السموم من الجسم ، وبالتالي ده هينعكس على نضارة وصحة البشرة ، بالاضافة كمان انه بيساعد على تعزيز عملية التمثيل الغذائي في الجسم.
