طريقة عمل ماء ميسيلار للشعر

ريهام محمود
ريهام محمود
في
شعر
79

احنا اتكلمنا قبل كده عن طريقة ماء الميسيلار للبشرة وفويداها ، ولكن النهاردة هنعرف مع بعض طريقة عمل ماء ميسيلار للشعر ، لو انتي الشامبو بيسبب جفاف شعرك وفروة راسك ، فماء الميسيلار ممكن يساعدك في المشكلة دي يحل محل الشامبو ، ويخلي شعرك نضيف وناعم، وممكن كمان يستخدم كعلاج منظف ومنقي لازالة تراكم المنتجات.

فوايد ماء ميسيلار للشعر:

- الشامبو رغم ان استخدامه ضروري ، الا انه مش مفيد لصحة شعرك ، وممكن يسبب جفاف للشعر ، على عكس ماء ميسلار اللي بيكون لطيف على الشعر ، وفي نفس الوقت بيجذب الاوساخ والدهون وتراكم المنتجات بحيث تقدري تتخلصي منها بسهولة.

- بيساعد على تنضيف وتنقية الشعر وفروة الراس.

- سهل الاستخدام مش محتاجة حاجة غير انه تحطيه على الشعر وهو هيعمل كل حاجة.

طريقة استبدال الشامبو بماء ميسيلار:

- تقدري تستخدمي ماء ميسيلار بالظبط زي ما بتستخدمي الشامبو ، استخدميه في اي وقت هتغسلي فيه شعرك ، ممكن تستخدميه على شعر جاف كبديل للشامبو الجاف او على شعر مبلول بالطريقة العادية ، اثناء الاستحمام صبي ماء ميسيلار على الشعر وفروة الراس ودلكيه بأطراف صوابعك ، سيبيه على الشعر لمدة 30 ثانية على الاقل وبعدها اشطفيه بالماية العادية ، وبعدها استخدمي البلسم وكملي روتين شعرك العادي.

- ممكن كمان تخلطي ماء ميسيلار مع الشامبو اللي بتستخدميه ، واغسلي بيه شعرك بالطريقة العادية.

- المره الوحيدة اللي ماء ميسيلار ماينفعش يبقى بديل للشامبو ، لو كنتي عاملة حمام زيت قبل غسل الشعر.

طريقة عمل ماء ميسيلار للشعر.1
طريقة عمل ماء ميسيلار للشعر.1

طريقة عمل ماء ميسيلار للشعر:

المكونات:

- 1 كوباية ماية دافية.

- 1 معلقة كبيرة من صودا الخبز.

- 1 معلقة صغيرة خل تفاح (اختياري).

- 5 – 10 نقط من الزيت العطري المفضل عندك.

الطريقة:

1- دوبي صودا الخبز في الماية الدافية ، وقلبيها لحد ما تدوب بالكامل.

2- لو عايزة تنضيف اكتر وشعور بالرغوة زي الشامبو العادي ، ضيفي معلقة صغيرة من خل التفاح للخليط.

3- بعدها ضيفي الزيت العطري ممكن تضيفي زيت شجرة الشاي, زيت النعناع ، الخطوة دي هتضيف ريحة حلوة للشعر ، بالاضافة ان الزيوت العطرية ليها فوايد للشعر.

4- كده يبقى جاهز عندنا للاستخدام بالطريقة اللي قولناها.

مقالات متعلقه

ازاي تستخدمي خل التفاح كبلسم للشعر

ازاي تستخدمي خل التفاح كبلسم للشعر

شامبو العسل الطبيعي لعلاج مشاكل الشعر

شامبو العسل الطبيعي لعلاج مشاكل الشعر

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت