روتين كوري لتصغير المسام الواسعة

ريهام محمود
ريهام محمود
في
بشرة
238

النهاردة من خلال موضوعنا ، هنشارك معاكم روتين كوري لتصغير المسام الواسعة في 3 خطوات بسيطة جدا وبطريقة طبيعية ، ومش هتاخد منك وقت ولا مجهود.

الخطوة 1: المقشر

في الخطوة دي هنعمل مقشر طبيعي هيساعد على اذابة كل خلايا الجلد الميتة من بشرتك ، وبيساعد كمان على ازالة الرؤوس السودا والبيضا.

في طبق ، خدي معلقة كبيرة من عصير الطماطم ، ضيفي له 5 – 6 نقط من عصير الليمون ، ومعلقة صغيرة من قشر البرتقان المطحون ، امزجيهم كويس وكده المقشر يبقى جاهز ، وزعي الخليط على بشرتك ، وافركيه بلطف بحركات دائرية ، وبعدين سيبيه لمدة 10 دقايق ، واشطفيه بالماية العادية.

الخطوة 2: ماسك الطين

خدي كمية من طين البشرة (متوفر عند العطار) ، وضيفي له الماية لحد ما تتكون عندك عجينة سهلة الفرد ، وزعي الخليط على بشرتك ، وسيبيه لمدة 10 – 15 دقيقة او لحد ما ينشف ، وبعدها اغسليه بالماية.

الخطوة 3: علاج لقفل المسام

في الخطوة الاخيرة هنعمل علاج لقفل مسام البشرة بعد فتحها وتنضيفها في الخطوتين اللي فاتوا ، هاتي مكعب تلج ومشيه على بشرتك في حركات دائرية مع ضغط خفيف لمدة دقايق ، بعدها ادهني بشرتك بكريم مرطب ، وكده يبقى خلصنا الروتين بتاعنا.

روتين كوري لتصغير المسام الواسعة.1
روتين كوري لتصغير المسام الواسعة.1

نصايح لتجنب المسام الواسعة:

- اتجنبي المقشرات الكيميائية:

اتجنبي المقشرات الكيميائية لانها برغم انها فعالة جدا في التخلص من الرؤوس السودا والبيضا ، الا انها قاسية على البشرة وبتضر الطبقة العلوية للجلد ، وده هيأدي لتوسيع المسام.

- ماتستخدميش الماسكات ال Peel off:

الماسكات ال Peel off لما بتيجي تقشريها من على البشرة ممكن تسبب تهيج ، وده بيأدي لاتساع مسام بشرتك.

- حافظي دايما على ترطيب البشرة:

لو مارطبتيش بشرتك ، المسام هتنتج زيوت زيادة لتعويض نقص الترطيب ، وده هيسبب زيادة حجم المسام ، عشان كده لازم تتأكدي من ترطيب البشرة كويس بمرطب مناسب لنوع بشرتك.

مقالات متعلقه

كريم الارز الكوري الطبيعي للتخلص من التجاعيد وتفتيح البشرة

كريم الارز الكوري الطبيعي للتخلص من التجاعيد وتفتيح البشرة

طرق علاج انسداد مسام البشرة في البيت بمكونات طبيعية

طرق علاج انسداد مسام البشرة في البيت بمكونات طبيعية

صغري حجم المسام بقشر الموز

صغري حجم المسام بقشر الموز