طريقة عمل كريمات طبيعية لتفتيح البشرة بشكل فعال

ريهام محمود
ريهام محمود
في
بشرة
81

على الرغم من توفر كتير من منتجات التفتيح في السوق ، الا ان معظمها ياما مش بيدي النتايج المتوقعة او ان سعرها غالي ، عشان كده النهاردة هنشارك معاكم طرق عمل كريمات طبيعية لتفتيح البشرة ، بمكونات مش مكلفة وتقدري تلاقيها بسهولة في مطبخك.

1- كريم الزبادي والعسل:

المكونات:

- 1 ½ كوباية زبادي.

- 1 معلقة صغيرة عسل.

- 2 معلقة كبيرة عصير ليمون.

- 3 – 4 حبات لوز.

- رشة كركم مطحون.

طريقة التحضير والاستخدام:

اطحني اللوز في الكبة لحد ما يبقى بودر ، امزجي اللوز المطحون مع باقي المكونات ، وقلبي الخليط كويس لحد ما الخليط يبقى كريمي ، وزعي الكريم على بشرتك كل يوم قبل النوم.

2- كريم دقيق الحمص:

المكونات:

- رشة كركم.

- 2 معلقة صغيرة دقيق حمص.

- كريمة تقيلة.

- 1 معلقة صغيرة عصير ليمون.

طريقة التحضير والاستخدام:

اخلطي دقيق الحمص مع الكركم ، ضيفي عصير الليمون وقلبي الخليط ، ولو بشرتك حساسة قللي كمية عصير الليمون لانه ممكن يهيج بشرتك ، بعدها ضيفي الكريمة بالتدريج ، معلقة صغيرة كل مرة ، وقلبي ، استمري في اضافة الكريمة لحد ما يبقى عندك خليط كريمي ناعم ، وزعي الكريم على بشرتك او حتى على اي جزء من جسمك عايزة تفتحيه ، سيبيه لحد ما ينشف وبعدين افركيه من على البشرة واغسليها بالماية ، كرريه كل يوم.

3- كريم الليمون وماية الورد:

المكونات:

- 1 كوباية عصير ليمون.

- ماية ورد.

طريقة التحضير والاستخدام:

حطي كام نقطة من ماية الورد على الليمون وامزجيهم مع بعض كويس ، اغمسي قطعة قطن في الخليط ، وامسحي البشرة كلها بحركات دائرية ، وممكن تستخدميه على الجسم كله كمان ، سيبيه لمدة 15 دقيقة ، وبعدها اشطفيه بماية دافية.

4- كريم الشاي الاخضر للبشرة العرضة لحب الشباب:

المكونات:

- 1 معلقة صغيرة من ماية الشاي الاخضر.

- 1 معلقة كبيرة ماية ورد.

- نقطتين من زيت شجرة الشاي.

- 1 معلقة كبيرة من جل الصبار.

- 1 معلقة كبيرة من شمع العسل.

- 1 معلقة كبيرة من زيت اللوز الحلو.

طريقة التحضير والاستخدام:

اخلطي زيت اللوز الحلو وشمع العسل ودوبيهم مع بعض على حمام ماية سخنة او في الميكروويف لمدة 30 ثانية ، سيبيه يبرد شوية وبعدين ضيفي جل الصبار وقلبي الخليط لحد ما يتحول لقوام كريمي ابيض ، بعدها ضيفي ماية الشاي الاخضر وماية الورد واخلطيهم مع بعض لتكوين خليط ناعم خالي من الكتل ، وزعي الكريم على بشرتك ودلكيه لحد ما بشرتك تمتصه كويس ، استخدميه كل يوم قبل النوم لافضل النتايج.

كريمات طبيعية لتفتيح البشرة.1
كريمات طبيعية لتفتيح البشرة.1

5- كريم الليمون والزبادي وماية الورد:

المكونات:

- 1 معلقة كبيرة عصير ليمون.

- 1 كوباية زبادي.

- 2 – 3 نقط ماية ورد.

طريقة التحضير والاستخدام:

اخلطي كل المكونات مع بعض ، وانقلي الخليط في عبوة واحفظيه في التلاجة ، وكل يوم قبل النوم خدي من الخليط وادهني بيه بشرتك لتفتيحها في وقت قصير جدا.

6- كريم التوت:

المكونات:

- حفنة من التوت الازرق الطازة.

- ½ كوباية زبادي.

طريقة التحضير والاستخدام:

اهرسي التوت للحصول على عجينة ناعمة ، بعدها اخلطي معاه الزبادي ، وزعي الخليط على بشرتك ، سيبيه لمدة 15 دقيقة تقريبا وبعدها اشطفيه بماية دافية ، كرريه من 2 – 3 مرات في الاسبوع لافضل النتايج.

7- كريم الطماطم وماية الورد:

المكونات:

- 2 حبة طماطم.

- 2 معلقة كبيرة عصير ليمون.

- 1 معلقة كبيرة ماية ورد.

طريقة التحضير والاستخدام:

استخرجي قلب الطماطم واهرسيها كويس ، وضيفي لها عصير الليمون وماية الورد ، امزجي المكونات مع بعض كويس ، وزعي الخليط على بشرتك بحركات دائرية ، سيبيه لحد ما ينشف وبعدها اغسليه بالماية ، كرريه 2 – 3 مرات في الاسبوع.

مقالات متعلقه

روتين لتفتيح الجسم كله بمكونات طبيعية

روتين لتفتيح الجسم كله بمكونات طبيعية

احصلي على تفتيح فوري ونضارة للبشرة بكريم البنجر

احصلي على تفتيح فوري ونضارة للبشرة بكريم البنجر

كريم الارز الكوري الطبيعي للتخلص من التجاعيد وتفتيح البشرة

كريم الارز الكوري الطبيعي للتخلص من التجاعيد وتفتيح البشرة