وصفة آيس كريم النعناع

اكيد مافيش احلى من الايس كريم اللي ممكن ينقذنا من حر الصيف وينعشنا ، النهاردة هنشوف مع بعض وصفة سهلة ولذيذة ، وهي آيس كريم النعناع.

المكونات:

- 3 كوبايات كريمة تقيلة.

- 1 كوباية لبن كامل الدسم.

- 1 كوباية سكر.

- ½ معلقة صغيرة من مستخلص النعناع.

- 1 معلقة صغيرة من مستخلص الفانيليا.

- ½ - ¾ كوباية اي نوع كاندي بنكهة النعناع تفضليه مجروش.

- لون طعام احمر ، وممكن تستخدمي اخضر حسب رغبتك.

طريقة التحضير:

1- في حلة متوسطة الحجم ، اخلطي الكريمة التقيلة, اللبن, السكر ، على نار متوسطة لمنخفضة قلبي المكونات لمدة 2 – 3 2- دقايق او لحد ما السكر يدوب ، ارفعيه من على النار ، وضيفي له مستخلص النعناع ومستخلص الفانيليا.

3- صبيه في اي حاجة مناسبة عندك ، ودخليه الفريزر او التلاجة يبرد لمدة 30 دقيقة.

4- لما يبرد خرجية من التلاجة واضربيه بالمضرب الكهربائي وضيفي لون الطعام والكاندي المجروش اثناء الخفق ، لحد ما الخليط يبقى كريمي وناعم.

5- لو عايزة تاكلي ايس كريم ناعم وكريمي تقدري تاكلي منه في المرحلة دي بعد خفقه على طول ، لكن لو عايزاه صلب اكتر ، انقلي الايس الكريم في علبة محكمة الغلق ، ودخليه الفريزر يتجمد من 1 – 4 ساعات ، وكل ما طالت فترة التجميد الايس كريم هيبقى صلب اكتر معاكي.

6- كده الايس كريم جاهز ، قدميه في بولات ورشي عليه من فوق كاندي مجروش.