طريقة سريعة لزيادة نمو الشعر

وصفات نمو الشعر كتير جدا ، واحنا شاركنا معاكم اكتر من وصفة لزيادة نمو الشعر بشكل صحي ، والنهاردة هنشوف مع بعض طريقة سهلة وسريعة لزيادة نمو الشعر.

الحاجات اللي هتحتاجيها:

- قطعة زنجبيل طازة مبشور.

- 4 – 5 حبات قرنفل.

- 1 معلقة صغيرة من بذور الخردل.

- اي نوع زيت تختاريه مناسب لشعرك زي (زيت الخردل, زيت الزيتون, زيت السمسم.

قطعة شاش.

طريقة التحضير والاستخدام:

1- هاتي قطعة الشاش حطي فيها الزنجبيل, القرنفل, بذور الخردل ، اربطيها على شكل عقدة ، حطيها جوه برطمان ، وضيفي له الزيت اللي اختارتيه ، واقفلي عليه بالغطا.

2- حطي البرطمان تحت الشمس لمدة 7 ايام.

3- بعد ال 7 ايام طلعي قطعة الشاش واستخدمي الزيت على شعرك.

4- خدي من الزيت بأطراف صوابعك ووزعيه على الشعر كله من الجذور للاطراف ، وسيبيه طول الليل واغسليه الصبح بالشامبو بالطريقة العادية.

5- كرريه مرتين في الاسبوع لافضل النتايج.

فوايد المكونات:

- الزنجبيل ، غني بمضادات الاكسدة اللي بتمنع الشيب المبكر ، وبتخليه صحي وناعم ، الزنجبيل بيحتوي على احماض دهنية ومعادن بتشتغل بشكل فعال ضد القشرة وبتحسن الدورة الدموية في فروة الراس.

- القرنفل ، كمان بيحتوي على مضادات الاكسدة والمعادن اللي بتساعد على تعزيز نمو الشعر وبتحمي فروة الراس ، وبيساعد على تحسين نمو وحالة الشعر ، وده بدوره بيساعد على تكثيف الشعر.

- بذور الخردل ، بتحتوي على مواد مغذية واحماض اوميجا ، ويعتبر بلسم طبيعي بيساعد على الحفاظ على صحة الشعر وتغذيته ، بيساعد على منع بصيلات الشعر من التلف ، بيحتوي كمان على خصائص مضادة للفطريات بتحافظ على فروة الراس صحية.

- زيت السمسم يعتبر من افضل الزيوت الحاملة ، اللي بيمتص بسهولة العناصر الغذائية الموجودة في باقي المكونات زي القرنفل, الخردل, الزنجبيل ، وده بدوره بيعزز نمو الشعر وبيزود لمعانه.