روتين لتفتيح الجسم كله بمكونات طبيعية
معظنا ممكن نكون بنهتم ببشرة وشنا بس لكن بننسى الاهتمام بجسمنا بشكل كافي ، وللسبب ده في كتير من الاحيان لون جسمنا بيكون مختلف عن لون وشنا ، عشان كده النهاردة من خلال موضوعنا هنشارك معاكم روتين لتفتيح الجسم كله بمكونات طبيعية.
الخطوة 1: التدليك باستخدام الزيت
هحتاجي:
- 1 معلقة كبيرة كركم.
- 4 معلقة كبيرة من زيت جوز الهند.
في بولة خلطي الكركم مع زيت جوز الهند ، امزجيهم مع بعض كويس.
وزعي الخليط على جسمك كله مع التدليك لمدة 5 – 10 دقايق ، وسيبيه على الجسم لمدة 5 دقايق كمان.
بعدها اغسلي جسمك بماية فاترة بس من غير استخدام اي صابون او شاور جل.
زيت جوز الهند ليه تأثير مضاد للميكروبات ومهديء للبشرة ، كمان هو يعتبر مرطب طبيعي للبشرة ، وبيمنع جفاف البشرة ، والكركم بيحتوي على خصائص مضادة للالتهابات اللي بتساعد على منع حب الشباب ، والكركم مشهور بخصائصة المضادة للبكتيريا ، وبيساعد على تنقية البشرة ، الكركم بيقلل من افرازات الغدد الدهنية للدهون ، ويعتبر مقشر رائع للبشرة وبيساعد على تفتيحها.
الخطوة 2: التقشير باستخدام مقشر للجسم
هتحتاجي:
- ½ كوباية ملح.
- ½ كوباية سكر.
- ¼ كوباية زيت عباد الشمس.
- بشر ليمونة.
- 2 معلقة كبيرة بابايا مهروسة.
- 10 نقط من زيت البرتقان.
هاتي بولة اخلطي فيها كل المكونات مع بعض.
وزعي المقشر على جسمك كله ، ودلكيه لمدة 5 – 10 دقايق تقريبا بحركات دائرية خفيفة من غير ضغط على البشرة.
بعدها اغسلي جسمك بماية فاترة بس من غير صابون او شاور جل.
الزيت اللي في المقشر هيرطب بشرتك ، البابايا غني بالبيتا كاروتين المليان بالانزيمات النشطة والعناصر المفيدة للبشرة من خلال منع جذو الحرة المسببة للتجاعيد والخطوط الرفيعة ، البابايا بيحتوي كمان على خصائص مفتحة للبشرة وممكن كمان انه يقلل ظهور العيوب وندبات حب الشباب ، البابين مع احماض الالفا هيدروكسي الموجودين في البابايا بتعمل كمقشر لطيف بيدوب خلايا الجلد الميتة وبينعم البشرة.