وصفة الفراخ بالثوم والعسل

لو انتي من عشاق المطبخ الاسيوي وبتحبي السويت اند ساور ، يبقى وصفتنا النهاردة ليكي ، هنعرف النهاردة طريقة عمل وصفة الفراخ بالثوم والعسل ، وصفة سهلة وسريعة التحضير وطعمها لذيذ.

المكونات:

- 4 شرايح صدور فراخ.

- ملح وفلفل اسود.

- 2 معلقة كبيرة زيت زيتون.

- 2 معلقة كبيرة عسل.

- 2 معلقة كبيرة صويا صوص.

- 2 معلقة كبيرة خل.

- 3 – 4 فصوص ثوم مفرومين.

- 2 معلقة كبيرة زبدة غير مملحة.

- بقدونس مفروم للتزيين (اختياري).

طريقة التحضير:

1- جففي الفراخ باستخدام مناديل المطبخ وتبليها بالملح والفلفل الاسود.

2- في طاسة كبيرة على نار متوسطة لعالية ضيفي الزيت يسخن لمدة دقيقة لدقيقتين ، لما يسخن كويس ضيفي الفراخ لحد ما 3- يبقى لونها بني دهبي لمدة 5 دقايق تقريبا ، اقلبيها على الجنب التاني لحد ما تاخد لون لمدة 4 دقايق كمان تقريبا.

4- اثناء ما الفراخ على النار بتستوي ، هنحضر الصوص ، في بولة اخلطي 3 معلقة كبيرة ماية, العسل, الصويا صوص.

انقلي الفراخ بعد ما تستوي في طبق على جنب.

6- في نفس الطاسة اللي حمرنا فيها الفراخ ، ضيفي الصوص اللي جهزناه على نار خفيفة يغلي شوية لمدة دقيقة تقريبا لحد ما كميتة تقل شوية ، بعدها ضيفي له الخل, الثوم, الزبدة ، وقلبي الخليط كويس لحد ما الزبدة تدوب والمكونات كلها تمتزج ويتقل لمدة دقيقتين كمان تقريبا.

7- رجعي الفراخ للطاسة تاني مع الصوص ، وقلبيه على الناحيتين بحيث الصوص يغطي الفراخ كلها كويس ، ولو حسيتي الصوص سميك اوي ، ممكن تضيفي العصارة اللي نزلت من الفراخ في الطبق.

8- وكده الفراخ تبقى جاهزة زينيها بالبقدونس حسب الرغبة ، وقدمي جنبها ارز ابيض, او بطاطس مخبوزة, او حتى خبز بس.