4 عصاير لتحسين مناعة الجسم
عصاير الفواكة والخضروات من الحاجات المثالية لتحسين المناعة ، وتعتبر افضل من اكل الخضروات نفسها ونتيجتها افضل واسرع ، بالاضافة انها بتحتوي على نسبة سكر اقل كتير من العصاير العادية بسبب محتواها العالي من الخضروات وبتحتوي على نسبة عالية من الفيتامينات والمعادن ، تابعي معانا السطور الجايه واتعرفي على 4 عصاير لتحسين مناعة الجسم.
1- عصير الجزر والكركم:
المكونات:
- 3 حبات جزر.
- 1 ليمونة مقشرة.
- قطعة زنجبيل.
- ½ معلقة صغيرة كركم.
2- عصير الليمون والبنجر:
المكونات:
- 1 حبة بنجر.
- 1 حبة تفاح.
- 1 ليمونة مقشرة.
3- عصير الخضروات الورقية:
المكونات:
- 1 حبة ليمون.
- حفنة من الخضروات الورقية زي الكرنب او السبانخ.
- حفنة من الاعشاب الطازة زي النعناع او البقدونس.
- 2 عود كرفس.
- 1 حبة كيوي.
4- عصير الزنجبيل والشطة:
المكونات:
- 1 ليمونة مقشرة.
- 4 قطع زنجبيل.
- شوية شطة.
طريقة تحضير العصاير:
كل العصاير هتتحضر بنفس الطريقة.
- الافضل انك تسيبي التفاح بقشره للحصول على اكبر قدر من التغذية.
- حطي مكونات كل عصير في الخلاط مع بعض.
- ضيفي شوية ماية للمزج ، واضربي كل المكونات كويس لحد ما تمتزج.
- صفي العصير على مصفى او في قطعة شاش.
- وكده العصير يبقى جاهز ، اشربيه بعد العصر مباشرة.
- بالنسبة للبواقي اللي طلعت من العصير بعد التصفية ، ممكن تضيفيها للمخبوزات زي البسكويت او الكيك.
