كريم الارز الكوري الطبيعي للتخلص من التجاعيد وتفتيح البشرة
المكون الرئيسي لكريم الوجه المضاد للشيخوخة اللي معانا النهاردة هو الارز الابيض ، الارز غني بفيتامين ب وهو واحد من مضادات الاكسدة القوية اللي بتعزز انتاج الكولاجين وبتزيل الخطوط الرفيعة والتجاعيد ، وتم استخدامه الكريم ده كعلاج تجميلي طبيعي من آلاف السنين في كوريا ، تابعي معانا السطور الجاية واتعرفي على طريقة عمله.
كريم الارز الكوري:
المكونات:
- 2 – 3 معالق كبيرة من الارز الابيض.
- 2 – 3 كبسولات فيتامين E.
- 1 معلقة كبيرة جلسرين.
- ½ معلقة كبيرة من جل الصبار.
- 1 – 2 كوباية ماية.
طريقة التحضير:
1- هاتي طبق ضيفي الارز الابيض ، واغسليه كويس.
2- هاتي طاسة وضيفي لها كوباية ماية والارز المغسول.
3- سيبيه على النار لحد ما خليط الارز يغلي ويبقى قوامه سميك.
4- ارفعيه من على النار وسيبيه يبرد.
5- انقلي الارز على مصفى واضغطي عليه بالمعلقة للتخلص من اي تكتلات واستخراج عجينة الارز الكريمية في طبق.
6- هاتي كبسولات فيتامينE افتحيها وضيفيها للارز.
7- ضيفي الجلسرين وجل الصبار لخليط الارز.
8- اخلطي كل المكونات مع بعض كويس لحد ما يبقى عندك قوام كريمي ناعم.
9- دلوقتي الكريم بقى جاهز للاستخدام.
طريقة الاستخدام:
1- وزعي الكريم على البشرة كلها بالتساوي.
2- دلكيه بلطف بحركات دائرية لمدة 2 – 3 دقايق.
3- سيبيه لحد ما ينشف لمدة 30 دقيقة تقريبا.
4- بعدها اغسلي بشرتك بالماية الباردة.
5- جففي بشرتك ورطبيها بكريم مرطب مناسب لبشرتك.
![كريم الارز الكوري.1 كريم الارز الكوري.1](https://static.banat7wa.com/post-media/2024/05/كريم-الارز-الكوري-11.jpg)
فوايد كريم الارز الكوري:
- بيساعد على تفتيح البشرة.
- بيزيل الخطوط الرفيعة والتجاعيد.
- بيزيل البقع الغامقة.
- بيزيل تصبغ البشرة.
- بيدي نعومة ونضارة للبشرة.