4 اماكن مثالية لرش البرفيوم و 4 اماكن غير مرغوب فيها

ريحة البرفيوم بتاعتك ممكن تقول حاجات كتيري عن شخصيتك ، ولكن عشان ريحة البرفيوم دي تدوم فترة طويلة وتفضل قوية ، لازم تستهدفي نقط معينة وتجنب نقط تانية اللي ممكن تهيج بشرتك ، حتى ان في اماكن تانية غير اماكن النبض ممكن ترشي فيها البرفيوم وهتديكي نتايج رائعة ، والنهاردة من خلال موضوعنا هنتعرف على اماكن غير تقليدية لرش البرفيوم.

4 اماكن لرش البرفيوم:

1- رشيه على منطقة ورا الركبة:

ممكن تشوفي ان المنطقة غريبة ، ولكن رش البرفيوم ورا الركبتين خصوصا لو لابسة حاجة قصيرة ، هتخلي ريحة البرفيوم قوية لان في نقطة نبض في المكان ده ، وللحصول على نتايج افضل ، بننصحك ترشي البرفيوم بعد الاستحمام مباشرة وبعد وضع اللوشن.

2- رشيه على المنطقة الداخلية للفخدين:

الحرارة الموجودة في المنطقة دي هتساعد على تعزيز الريحة وهتستمر معاكي طول اليوم.

3- رشيه بين الصدر:

رش البرفيوم في المنطقة دي ممكن مايكونش بنفس القوة زي رشه على المعصم ، ولكن لو هيعمل ريحة خفيفة ، فلو انتي عايزة البرفيوم ماتبقاش ريحته قوية اوي ، رشيه في منطقة بين الصدر.

4- رشيه على البطن:

رش البرفيوم في المنطقة دي هيخليه يدوم معاكي طول اليوم.

4 اماكن اتجنبي رش البرفيوم فيهم:

1- اتجنبي رشه تحت الابطين:

الغدد العرقية تحت الابطين هتتفاعل مع البرفيوم وده ممكن يسبب احساس بالحرقان والحكة ، وبصرف النظر عن ده كمان ، رش البرفيوم في المكان ده مش هيديكي نتايج فعالة.

2- اتجنبي رشه حوالين منطقة البكيني:

لو رشيتي البرفيوم حوالين منطقة البكيني ، ممكن يأدي لجفاف الجلد ، بالاضافة ان المنطقة ممكن تتهيج بسهولة ، وده هيأدي للحكة والالتهاب.

3- اتجنبي رشه قريب من العين:

اتجنبي رشه في المناطق المحيطة بالعين ، البرفيوم بيحتوي على مكونات زي الكحول والايثيل اللي ممكن تأدي لاضرار خطيرة لو لمست مناطق حساسة اوي.

4- اتجنبي رشه على الايد:

على الرغم من اكتر الاماكن المعروف برش البرفيوم عليها هي على المعصم ، الا انه المفروض تتجنبي رشه على الايد ، العطور زي ما قولنا بتحتوي على الكحول ولو لمست الايد هتخلي بشرتك جافة وهتسبب التشققات وحتى النزيف المرتبط بالجفاف وتشققات الجلد.

قولي لنا ايه اكتر الاماكن اللي بترشي فيها البرفيوم؟