وصفة ام علي بطريقة سهلة ومختلفة
ام علي هي من انواع الحلويات المصرية اللذيذة اللي كلنا بنحبها ، لكن في العادة احنا متعودين نحضرها باستخدام عبوات ام علي الجاهزة اللي بتكون عبارة عن رقائق باف بستري متحمصة في الزبدة ، لكن النهاردة هنعملها مع بعض بطريقة مختلفة وسهلة باستخدام الكرواسون.
وصفة ام علي:
المكونات:
- 6 – 8 كرواسون ، متقطع قطع بحجم صغير.
- 2 ½ كوباية لبن كامل الدسم.
- ¼ كوباية سكر.
- 1 كوباية كريم شاتيه.
- ½ كوباية شرايح لوز متقطع بالطول.
- ¼ كوباية زبيب اصفر.
- 1/3 كوباية فسدق مفروم خشن.
طريقة التحضير:
1- تحضير الكرواسون: قطعي الكرواسون لقطع صغيرة ، وحطيه في صينية فرن ، واخبزيه على درجة حرارة 205 درجة مئوية ، لمدة دقايق ، او لحد ما لونه يبقى بني خفيف ومقرمش.
2- تحضير خليط اللبن: في حلة على نار متوسطة اخلطي اللبن مع السكر ، وقلبي لحد ما يغلي ، وارفعيه من على النار.
صبي اللبن فوق الكرواسون في الصينية.
3- خدي شوية من اللوز المتقطع ورشيه فوق الكرواسون.
4- وزعي الكريم شانيته المخفوق على وش الصينية بالتساوي.
5- دخلي الصينية الفرن لمدة 10 دقايق ، وبعدين حطيها تحت الشواية لمدة 5 دقايق تقريبا او لحد ما الطبقة اللي فوق يبقى لونها بني دهبي وتتكرمل.
6- خرجيها من الفرن ورشي على الوش شرايح اللوز والفسدق المفروم والزبيب.
7- وكده ام علي تبقى جاهزة قدميها دافية.
طرق للتقديم:
- ممكن ترشي على الوش قرفة وسكر بودرة.
- ممكن تضيفي مايبل سيرب.
- ممكن تضيفي صوص كراميل على الوش.
- ممكن تحطي على الوش شرايح موز.
- ممكن ترشي شوكليت شيبس.
- ممكن كمان تضيفي فوقيها سكوب ايس كريم.
