اتخلصي من السيلوليت, الدوالي, علامات التمدد وآلام العضلات بوصفة طبيعية
النهاردة من خلال المقال بتاعنا هنتعرف على طريقة عمل اقوى علاج مكون من مكونين بس هيساعدك على التخلص من السيلوليت, الدوالي, النقرس, علامات التمدد وآلام العضلات ، تابعي معانا السطور الجاية واعرفي طريقة تحضيره واستخدامه.
علاج طبيعي للسيلوليت والدوالي وعلامات التمدد:
المكونات:
- 1 عود من اكليل الجبل (روزماري).
- كحول 96% (هتلاقيه في الصيدلية).
طريقة التحضير والاستخدام:
1- تقدري تستخدمي روزماري طازة او مجفف النتيجة هتكون نفسها.
2- هاتي برطمان زجاجي وقطعي اكليل الجبل قطع صغيرة املي بيه البرطمان.
3- غطي اكليل الجبل بالكحول (96%) واقفلي البرطمان.
4- سيبي الخليط ده في مكان ضلمة لمدة 15 يوم.
5- ممكن تسيبيه لمدة توصل لحد 40 يوم ، ولكن بشكل عام 15 يوم كافية جدا.
6- بعد 15 يوم صفي السائل ، واحفظيه في ازازة زجاجيه لونها غامق.
7- دلوقتي يبقى جاهز للاستخدام ، ادهني منه يوميا على المناطق المصابة ، وهتحسي بنتايج ملحوظة بعد فترة قصيرة من الاستخدام.
فوايد الوصفة:
الوصفة بتستخدم لعلاج مشاكل صحية مختلفة زي.
- مشاكل الدورة الدموية ، الدوالي ، ثقل الساقين.
- ضد السيلوليت.
- لوجع الرقبة.
- للكدمات.
- آلام العضلات ، آلام المفاصل ، الروماتيزم ، ألم الضهر ، والالتواء.
- ضد نزلات البرد والانفلونزا.
- منع تساقط الشعر.