كيكة التمر السريعة بـ 3 مكونات بس
لو عايزة وصفة حلويات سهلة وسريعة وفي نفس الوقت صحية ، يبقى وصفتنا النهاردة ليكي ، هنعمل مع بعض وصفة كيكة التمر ب 3 مكونات بس ومن دقيق ولا سكر.
كيكة التمر من غير دقيق:
المكونات:
- 1 كوباية تمر.
- 2 بيضة.
- 2 معلقة كبيرة كاكاو.
- 1 معلقة بيكنج بودر.
طريقة التحضير:
1- في الخلاط ضيفي التمر, البيض, الكاكاو, البيكنج بودر.
2- اضربي كل المكونات مع بعض كويس لحد ما الخليط يبقى ناعم من غير اي تكتلات.
3- هاتي صينية صغيرة حطي فيها ورق زبدة وصبي فيها الخليط.
4- دخلي الصينية الفرن لمدة 30 دقيقة تقريبا لحد ما تستوي.
5- سيحي شوكولاتة في الميكروويف او على حمام ماية سخنة ، وبعد ما تخرجي الكيكة من الفرن حطي الشوكولاتة السايحة على الوش.
6- ممكن كمان تحطي فوقيها شوكليت شيبس او مكسرات مجروشة حسب رغبتك.
